Энди 2та турдан кейин "Боруссия" фахрий дарвозабони немис элитасининг ўйинлари бўйича Ларс Риккенни (301 ўйин) ортда қолдириб 4-ўринни эгаллаши мумкин. Лекин кечаги ўйин Вайденфеллер учун муҳим аҳамиятга эга, ахир бундай юбилей фаолиятда бир марта бўлади.

- Бу Бундеслигадаги 300-ўйининг бўлди. Бу улкан шараф шундайми?
- Ҳа бу улкан шараф. Айниқса деярли барча ўйинларимни шундай буюк жамоа «Боруссия» Дортмундда ўтказганим. Муҳлислар ва жамоа раҳбарлари менга ишонч билдиришмоқда, шу қатори яқинда янги шартнома имзолаган мураббийимиз ҳам. Бундан ортиқ ажойибот йўқ!

- Энди шунга кўникиш керакки сиз ҳақиқатдан ҳам уй учрашувларида рақибларни синдирмоқдасиз?
- Биз ҳар сафар яхши ўйин ўтказиш учун шиддат билан ишлаймиз. Лекин ҳар доим ҳам бундай чиқишимиз билан бу юрда бундай ишончли ғалаба қозониб бўлмайди. Биз учун уй учрашувларида ғалаба қозониш жуда муҳим.

- Бугунги ўйин сен учун қандай бўлди?
- Биз биринчи бўлимда иккинчи бўлимдагидек эътибор билан ўйнай олмадик. Биз вақт ўтган сари Штутгартга имкон қолдирмадик ва хавфни шакллантириб бордик. Иккинчи бўлимда эса биз кутилганидан ҳам яхши ўйнадик. Биз пасларни яхши оширдик, кучли ҳужумлар қилдик ва ўз имкониятларимиздан унумли фойдалана олдик.

Бизнинг жамоада фақат катта потенциалга эга ажойиб ўйинчилар бор. Бизда ҳамма имкониятлар бор, лекин вақт ўтгани сайин биз ўйинни юқори даражада ушлаб туриш учун бир-биримизга янада кўпроқ ёрдам беришимиз керак, хаттоки ўйин тақдири ҳал бўлган пайтда ҳам.

- Танаффус олдидан бўлган вазият пеналтига тортармиди?
- Мени ўйлашимча пеналти бўлмаганди. Шунингдек мен ҳакамлар бригадасини ҳам мамнуният билан айтишни хоҳлардим, ахир бу энг эътиборли вазият эди. Кейин ҳакамлар ички мухокамадан кейин яхши қарор қабул қилишди ва бу тўғри қарор эди.

- Сен вазиятга ойдинлик кирита оласанми?
- Ҳамма ўйинда тез-тез бўлиб тургани каби Вернер бу вазиятда йиқилди, бу яққол қоида бузиш эмас эди. Умуман олганда бу мавзу мен учун ёпилиб бўлди, ҳакам тўғри қарорга келди.

- "Арсенал" билан ўйин ҳақида:
- Бу бошқа турнир. Буларни бир-бирига солиштирмаслик керак. Ўйлашимча биз ажойиб ўйин ўтказдик, лекин Арсенал юқори даражали жамоа эканлигини биламиз. Биз уларни Лондонда ютдик. Энди улар ҳам бизга қарши зарба беришни хоҳлашади, лекин биз ҳам кучли ўйин кўрсатиб Чемпионлар Лигасида ўз уйимизда ғалаба қозонишга ҳаракат қиламиз.

Русчадан Жавлонбек Юсупов таржимаси

Роман Вайденфеллер: "Бундеслигада 300та ўйин ўтказиш улкан шараф"