Тан олиш керак, Роналдунинг айрим зарбалари умуман ўхшамаган, агарда ўша пайтда тўп ёнида Пьянич ёки Дибала бўлганида нимадир бўлиши мумкин эди.

Бир пайтлар Роналду учун жарима зарбаси пенальтига тенг эди. Асосийси - унга жарима зарбаси тақдим қилинса, гол кўрардик.

Бу тарихни Оуэн Харгривз айтиб берганди. Москвада бўлиб ўтган ЕЧЛ-2008 финали олдидан у ва Роналду жарима зарбалари тепишни машқ қилишган. Ишониш қийин, лекин Харгривз ўшанда 10 зарбанинг 9тасини ван дер Сар дарвозасининг тўққизлигига жойлаб қўйган.

"Эдвин ёнимга келдида: "Оуэн, финалда жарима зарбасини сен тепишинг керак", деди. Мен эса: "Криштианудан жарима зарбаларини олиб қўя олмайман", деб жавоб қайтаргандим".

Криштиану кийим алмаштириш хонасида эса Харгривз билан ёлғиз қоладиган вақтни кутди. У Оуэнга жаримадан қандай зарбалар берганини кўрганини айтди. "Агарда бугун жарима зарбасига эга бўлсак, буни сен амалга оширасан", деди ва Роналду жарима зарбаси тепиш ҳуқуқини Харгривзга топширди.

Харгривз эса ҳайратда қолди:

"У шундай инсон. Кўпчилик Роналду фақат ўзини ўйлайди деб айтишади. Ҳудди Роналду - эгоист. Бироқ у жамоадошининг яхши ҳусусиятини тезда англайди. Шу сабабли бир неча бора у йўллаши керак бўлган жарималарни мен тепганман. Чунки Криштиану ўшанда менинг гол уришимни кутганди".

Роналду эгоист бўлмаган. ЕЧЛ-2008 финалидан олдин у жарима тўпини тепишни Харгривзга топширган