"Осиё чемпионлар лигасида иштирок этишни истаганим учун "Локомотив"га ўтдим. Энг биринчи мақсадимиз ОЧЛни ижобий натижа билан бошлаш. Ундан кейин олий лига ва кубокка эътибор қаратамиз", - дейди Шоаҳмедов.

- Хорижий йиғинлар ҳақида нима дея оласиз?
- Хорижда иккита йиғин ташкил этилди. Бу йиғинлар доирасида бир қатор назорат учрашувларини ўтказдик. Кучли клубларга қарши баҳслар орқали мавсумга тайёргарлик кўрдик. Бу албатта ўз самарасини беради.

- Жамоага Темур Кападзе ва легионерлар талкиф этилди. Улар ҳақида қандай фикрдасиз?
- Темур Кападзени ортиқча таништириб ўтиш шарт эмас. Ўзбекистон терма жамоасида майдонга тушиш бўйича рекордчи ҳисобланади. Унинг тажрибаси албатта жамоамизга ас қотади. Ундан ташқари ҳужумчи (Руслан Корян) ва ярим ҳимоячи (Неманья Яничич) ҳам таркибга қўшилди. Яна бир нафар ҳимоячи сафимизга қўшилиши керак. Албатта, улардан ҳам яхши ўйин кутамиз.

- Игнатий Нестеровнинг жиддий жароҳат олганини эшитдик. Бу жамоага қанчалик таъсир қилди?
- Нестеров жуда кучли дарвозабон, буни ҳамма билади. Ўзбекистон терма жамоасининг асосий посбони. Унинг жароҳати албатта барчамизни ранжитди. Бироқ таркибимиздаги қолган дарвозабонлар тақдим этилган имкониятдан фойдаланиб ўзларини кўрсатишга уринишади, бу аниқ.

Нарзулла Сайдуллаев

Санжар Шоаҳмедов: "Энг биринчи мақсад ОЧЛни ижобий натижа билан бошлаш"