Сауль Ньигес "Атлетико"ни тарк этмоқда. Ярим ҳимоячи Мадрид клуби билан шартномасини бекор қилиб, "Трабзонспор"га ўтиши ҳақида инсайдер Фабрицио Романо маълум қилмоқда. Турк клуби Сауль билан шартнома имзолаганини келаси ҳафта расман эълон қилиши кутилмоқда.

Журналист Яғиз Сабунчўғлу аниқлик киритишича, испанияликнинг "Трабзонспор" билан шартномаси 4 йилга мўлжалланган. Сауль 2008 йилдан бери "Атлетико" тизимида эди. Жамоа сафида футболчи 6 та соврин, жумладан, Ла Лига, иккита Европа Лигаси кубоги ва УЕФА Суперкубогини қўлга киритган. Испаниялик футболчи 2024/25 йилги мавсумда "Севиля"да ижара асосида тўп сурган.

Сауль "Атлетико" билан шартномани бекор қилиб, турк клубига ўтади