Иккинчи даврада эса у ҳеч бир жамоа сафида кўриниш бермади. Хўш, унинг жамоасиз қолиб кетганига нима сабаб бўлганини аниқлаш мақсадида Холматов билан боғландик.

- "Нурафшон"дан кейин бошқа жамоалардан таклиф бўлмадими?

- "Нурафшон"дан кетганимдан кейин Про-лигадан таклифлар бўлди. Бироқ клубда пулларим қолганлиги туфайли ва оилавий шароитимдан келиб чиқиб бошқа жамоалардан тушган таклифларга розилик билдирмадим.

- Ўйин амалиётига эга бўлмаганингизи қандай изоҳлайсиз?

- Мавсум бошида асосий таркибда майдонга тушаётгандим. Кейинчалик эса бош мураббий алмашганидан сўнг ўйин амалиёти камайиб кетди. Шу тариқа мен захирада қолиб кетдим.

- Клубни нима сабабдан тарк этдингиз?

- Аслида жамоадан кетишимга нима сабаб бўлганини "Нурафшон"да ишлаган мураббийга берсангиз яхши бўларди. Мавсум давомида доимий таркибда бўлсам-да, нима учун майдонга туширилмаганимга хайронман. Даврон Файзиевнинг ўзи қолганида ва унга ишонч берилганида вазият бундай бўлмасди. У яхши бошқараётган эди.

- Ёзда "Андижон" кўригида бўлдингиз. У ерда қолмаганизга нима сабаб бўлди?

- Бош мураббий таклифи билан боргандим. Кейин билсак, клуб раҳбари четдан янги ўйинчи таклиф қилган экан. Бундан бош мураббий ҳам бехабар эканлигини маълум қилишди. Шу сабаб "Андижон"ни тарк этишга мажбур бўлдим.

Шоҳруҳ Холматов: "Айрим сабабларга кўра, бошқа жамоаларга бора олмадим"