- "Сўғдиёна"га қарши ўйин яхши ўтди. Рақиб ўз сафига бир қатор кучли футболчиларни қўшиб олганини кўрдик. Иккинчи бўлимда урилган иккита гол эвазига ғолиб бўлдик.

- Таркибимизга уч нафар янги футболчи келиб қўшилди. Дилшод Раҳматуллаев, Илдар Маматказин ва Сайдулло Раҳматов тезда жамоамизга қўшилиб кетишди. Улар янги мавсумда бизга ёрдам беришади деб ўйлайман.

- Осиё чемпионлар лигасида кучли гуруҳга тушганмиз. Рақиблар анойилардан эмас. "Ал Аҳли" қандай кучга эканлигини ўтган йилдан жуда яхши биламиз. Бу йил ОЧЛда муносиб иштирок этишга уринамиз.

- БААдаги йиғинда жисмоний машғулотлар ва бир нечта ўртоқлик учрашувлари ўтказилади. Шу орқали янги мавсумга тайёргарликни давом эттирамиз, - дейди Шуҳрат Муҳаммадиев.

Жаҳонгир Сотволдиев ёзиб олди

Шуҳрат Муҳаммадиев: "Мақсадимиз олий лига ва ОЧЛда муносиб ўйин кўрсатиш"