"Эҳтиросли ўйин бўлди. Жамоамиз футболчиларининг учрашувдаги ҳаракатлари ўйлаганимиздан ҳам яхшироқ чиқди. Ҳар қандай учрашувда ҳам охирида тўп ўтказиб юбориш ёқимсиз ҳолатни келтириб чиқаради. Чехияга қарши беллашувни чуқур таҳлили қиламиз ва кейинги ўртоқлик ўйинига тайёргарлик кўрамиз. Роман Нойштедтернинг ўйинига омма олдида алоҳида баҳо беришни истамасдим. Биз Романнинг ўйинини ўзи билан муҳокама қиламиз. Барча футболчилар ҳар хил юкламаларни бажаришди. Якуний хулосани футболчиларнинг ҳаммаси бир хил ҳолатда бўлишганидан сўнг беришимиз мумкин. Чехия билан ўйинда биз жамоамиз ҳужумдаги ҳаракатлари ва ҳимоядаги жойлашувлари бўйича ўзимизга керакли баъзи бир хулосаларни олдик. Бу ўртоқлик беллашув орқали ўйинимизни таҳлил қилиш учун етарлича маълумотлар тўпладик. Илк бор терма жамоада бир вақтда уч ҳужумчини туширдик. Кокорин-Смолов-Дзюба учлиги ёмон ҳаракат қилмади. Фақатгина ҳали ўзаро ҳамжиҳатлик ва боғлиқликлар борасида муаммолар бор. Европа чемпионатида ҳам бу танловдан фойдаланишимиз мумкинлигини рад қилмайман. Широковда кичик жароҳат борлиги сабаб умумий гуруҳ билан бирга шуғулланмаётганди. Жума кунидан бошлаб Роман ҳам сафга қайтади", - дейди Слуцкий.

Слуцкий: "Европа чемпионатида уч ҳужумчи билан ўйнашимиз мумкин"