2022 йилги мавсумда ҳам шундай ҳолатга тушиб қолган, агар вақтида ҳаракат қилинмаганида балки ҳозир Про лига учун тараддудни бошлаб юбориши ҳеч гапмасди. Ўзбек футболида катта обрўга эга Ҳамиджон Актамовнинг "Сурхон"га келиши амалда Суперлигада қолишини таъминлади. Тўғри у мураббий ролида эмас, балки менежер сифатида. Хабарингиз бор, эндиликда клубда раҳбарият алмашяпти. Узун-қулоқ гаплар Шоғуломовларга берилиши ҳақида бонг урмоқда. Мухлисларнинг бунга муносабати турлича. Аслидачи? Бу борада "Сурхон" фан клуб раиси Илҳом Тошбоевнинг фикрларини тингладик.

— Кеча ҳокимиятга бордик, телефон рақамларимизни олиб қолишди. 3 январь куни Сурхондарё ҳокими билан учрашмоқчимиз. Билишимиз бўйича янги ҳокимимиз футболга қизиқади. Ўз вақтида Денов тумани ҳокими бўлган.

— Сўнгги воқеаларга келсак, албатта мухлисларнинг реакциясини яхши, деб бўлмайди. Биз ҳам барқарор жамоа бўлишини истаймиз. Ёшлар учун трамплин "Сурхон" бўлиши керак. Биринчи навбатда албатта инфратузилма. Ҳамиджон Актамов барқарор жамоа шакллантира олади, кучли футболчиларни атрофига жамлайди. Ҳозир клубга ким янги раҳбар бўлади, у нима қилади биз билмаймиз.

— Сурхондарё халқи ҳам футболни жуда яхши кўради. 2022 йилги мавсум мобайнида фақат четда Тошкент шаҳри, Олмалиқда, Самарқандда ўйинлар бўлди, ҳаммасига бордик. Ёмғирда, қорда ҳам бориб жамоани қўллаб-қувватладик. Сурхондарёликларни ҳам ўз уйида футбол кўришга хаққи бордир. Биз "Сурхон" жамоасига ОЧЛда мухлислик қилишни хоҳлаймиз. Мухлисларнинг фикрича, жамоада менежер Ҳамиджон Актамов қолиши керак. У ҳақиқатдан жуда кучли бошқарувчи.

Абдулазиз Искандаров ёзиб олди

"Сурхон" мавзуси давом этади: Ҳамиджон Актамов қолиши керак ёхуд мухлислар нима дейди?