Анжуманда иштирок этган Темур Олимхўжаев Ўзбекистон 5-3 ҳисобида Ўзбекистоннинг ғалабаси бидан тугуган учрашув хақидаги фикрлаии билан ўртоқлашди:

"Натижа ижобий бўлишига қарамай, бугунги ўйиндан қониқмадим. Бугун ўйин аввалидаёқ гол ўтказиб юбордик ва бу ўйин учун ишланган режаларни ўзгартириб юборди. Бу биринчи учрашув бўлгани сабаб йигитлар бироз ҳаяжонланди.

Иккинчи бўлимда ўйинимиз нисбатан яхшироқ бўлди. Танаффусда йигитларга ҳаяжонни босиб олиб, совуққонроқ ҳаракат қилиш лозимлигини таъкидладик. Ҳимояда йўл қўйишимиз лозим бўлмаган хатолар қилдик ва шунинг оқибатида учта гол ўтказиб юбордик.

Расул Йўдошев? У сизни ҳайратга солган бўлсада, шуни айтишим мумкинки, у бугун ўз имкониятларини тўлиқ намойиш этмади. У жуда иқтидорли футболчи. Бугун у ўзини 50 фоизга намойиш қилди, холос.

Яманнинг ўйинини томоша қилганим йўқ. Биз ўз ўйинимизга ҳозирланаётгандик. Бу ўйинни кўриш учун ёрдамчиларимни юбордим. Улар ўйинни кузатиб боришди. Учрашув видеосини томоша қилиб, рақибни ўрганиш учун вақт бўлади. Кейинги ўйинларда жамоа ҳимояда анча тартибли ўйин кўрсатиши йўлида иш олиб борамиз" - дейди Ўзбекистон ўсмирлар терма жамоаси бош мураббийи.

Темур Олимхўжаев: "Кейинги учрашувларда ҳимояда тартиблироқ ўйнаймиз"