Унга кўра, “Манчестер Юнайтед” устози Эрик тен Хаг шогирдларига тинч ҳолатда ўтириб, “Ливерпуль” футболчиларининг 7:0 ҳисобидаги ғалабасини нишонлашаётганини тинглашга мажбур қилган.

Тен Хаг ўйинчиларига юзланиб, пул тўлаб аянчли манзарани кўргани келган мухлислар билан эмас, Манчестерга клуб автобусида қайтишаётгани уларнинг бахти эканини айтган.

Шунингдек, нидерландиялик мутахассис футболчиларга бир неча ой олдин МЮ раҳбари томонидан олиб келинган спорт психологи Ренье Керс билан янги сеанслар кутаётганини тушунтирган.

Манбанинг аниқланишича, тен Хаг “қизил иблислар” аъзоларининг ўтган мавсумдаги каби омадсиз кунлари такрорланишини истамаяпти, шу туфайли у футболчиларни спорт психологи билан кўпроқ ишлашга ундамоқда.

Тен Хаг 0:7 дан кейин МЮ аъзоларига антиқа жазо қўллади