Лондоннинг "Тоттенхэм" клуби ярим ҳимоячи Танги Ндомбеле билан икки томон розилигига кўра шартномани бекор қилди. Ндомбеле охирги икки йилни "Галатасарой" ва "Наполи" клубларида ижарада ўтказганди. Бундан ташқари, Танги 2021-2022 йилги мавсумда "Лион"га ярим йил ижарада ҳаракат қилиш учун қайтганди.

Маълумот учун, "Тоттенхэм" Ндомбелени 2019 йил "Лион"дан 55 млн еврога сотиб олганди. Бу Лондон клуби учун ўз тарихидаги рекорд сумма эди.

Эслатиб ўтамиз, Ндомбеле якунланган мавсумда "Галатасарой" таркибида 26 та учрашувда майдонга тушди ва битта ассист қайд этди.

"Тоттенхэм" 55 млн еврога сотиб олган футболчиси билан шартномани бекор қилди