Ҳусниддин Алиқулов ушбу учрашувни сариқ карточкалари сони тўрттага етгани сабаб ўтказиб юборди.
Учрашувнинг 6-дақиқасида Али Сове чиройли голи билан "Ризеспор"ни 1-0 ҳисобида олдинга олиб чиқди. 13-дақиқада у яна бир бор дарвозани ишғол қилиб, фарқни иккитага оширди. Кутилмаган голлар билан бошланган учрашувнинг биринчи бўлими охирларида "Фенербаҳче" пенальти тепиш ҳуқуқини қўлга киритди. Эдин Жеко пенальтини аниқ амалга ошириб, ҳисобни қисқартирди.
Иккинчи бўлим эса янада кескин тус олди. 78-дақиқада Рашид Гҳеззал иккинчи сариқ карточкасини олиб "Ризеспор"ни 9 киши бўлиб қолишига сабабчи бўлди. 79-дақиқада эса Эдин Жеко яна бир бор гол уриб, ҳисобни тенглаштирди. Ўйин охирларида майдонга тушган Талиска, Ирфан Жан Кахведжи ва Тосуннинг фаоллиги натижасида "Фенербаҳче" 89-дақиқада Юссеф Эн-Несирининг голи билан ғалабани қўлга киритди: 3-2!
Ушбу натижа билан "Фенербаҳче" очколарини 49 тага етказди, "Ризеспор" эса 28 очко билан қолди.
Келгуси ҳафта "Фенербаҳче" "Аланяспор"га меҳмон бўлади. "Ризеспор" эса сафарда "Касимпаша" билан куч синашади.
Изоҳлар