"Бавария" бош мураббийи Томас Тухель ҳимоячи Маттейс де Лигтнинг ўйинидан норози, деб хабар берди TZ.

Мутахассисга ўйинчининг тўпни секин ҳаракатлантириши, қанотдан қанотга жуда кўп пас бериши ва вертикал пасларни кам узатиши ёқмаяпти.

Де Лигт ҳозирда Тухелнинг учинчи ҳимоячиси саналади. У майдондаги жой учун курашда Дайо Упамекано ва Ким Мин Жэдан ортда қолмоқда.

Бироқ нидерландиялик мураббийнинг танқидини қабул қилди ва ўз устида ишлайди. "Бавария" раҳбарияти футболчини характери ва майдондаги фидойилиги учун қадрлайди.

Де Лигт Мюнхен клубидаги иккинчи мавсумини ўтказмоқда. 24 ёшли марказий ҳимоячи ушбу мавсум Бундеслигада жами 32 дақиқа ўйнади.

Тухель "Бавария" ҳимоячисининг ҳаракатларидан қониқмаяпти