Аввалроқ Халқаро футбол ассоциациялари кенгаши (IFAB) ВАРга иккинчи сариқ карточка ва нотўғри белгиланган бурчак тўпи эпизодларига аралашишга рухсат бериши мумкинлиги ҳақида хабарлар пайдо бўлган эди. Шунингдек, пенальтида дарвозабон сейвидан сўнг иккинчи зарбани бериш тақиқланиши мумкин.

The Times хабарига кўра, УЕФА раҳбарияти ВАР ваколатларини кенгайтиришга қарши чиқади – уюшмада тўхталишлар сонининг кўпайиши видео ёрдамчиларнинг қўшимча аралашуви фойдасини йўққа чиқариши мумкин деб ҳисоблайди.

Шунингдек, УЕФА пенальти ижроси қоидаларини ўзгартириш ташаббусини ҳам қўллаб-қувватламайди.

Таъкидланишича, УЕФА раҳбарлари 2023 йил март ойида IFAB футбол қоидаларига улар билан маслаҳатлашмасдан бир қатор ўзгаришлар киритганидан норози. Ушбу ўзгаришлардан бирига кўра, энди агар дарвозабон тўпни қўлида 8 сониядан кўпроқ ушлаб турса, ҳакам бурчак тўпини белгилайди.

УЕФА тўхталишлар сони кўпайиши туфайли ВАР ваколатларини кенгайтирмоқчи эмас