Янги форматда ўтаётган ЕЧЛ учун 2, 47 млрд евро ажратилган. Унга кўра, ҳар бир клуб гуруҳ босқичида иштироки учун 18,8 млн евродан ишлаб топган. Ҳар бир ғалаба учун 2,1 млн евро, дуранг учун эса 700 минг евродан ажратилган.

1/8 финалга чиққан жамоаларда 11 млн евродан, чорак финалга чиқадиганларга эса 12,5 млн евродан, ярим финалга 15 млн евродан, финалдаги иштироки учун эса 18,5 млн евродан маблағ ажратилади. Ҳал қилувчи баҳсда ғолиб бўладиган жамоага эса 6,5 млн евро тақдим қилинади. Шу орқали ЕЧЛ ғолиби энг кўпи билан 200 млн евро ишлаб олиши мумкин.

"Mundo Deportivo" маълумотига кўра, айни дамда 1/8 финал якунлари орқали "Бавария"иннг энг кўп маблағ ишлаб топганини кўриш мумкин - 106 млн евро.

Кейинги ўринларда ПСЖ (104,4 млн евро), "Интер" (103,1 млн), "Боруссия" Д (102,2 млн), "Арсенал" (102 млн), "Барселона" ва "Реал Мадрид" (101 млндан) қайд этилган.

ЕЧЛнинг 1/8 финалида "Реал"дан мағлуб бўлган "Атлетико" 85 миллион евро ишлаб олган. УЕФА расмий сайти яқин ҳафталарда ушбу маълумотларни тасдиқлаши кутилмоқда.

Ушбу мавсум ЕЧЛда кўп маблағни қайси клуб ишлаб топди?