35 ёшли Шенсни мавсум бошида клубга қўшилиш учун фаолиятини тиклаганидан сўнг "Барселона" мухлисларининг севимлисига айланди. Дарвозабон ўзининг ёмон одати борлигини очиқчасига тан олишини инобатга олган ҳолда, мухлислар Каталония жамоасининг ўйинларида мунтазам равишда "Шенсни кашанда" деб ҳайқиришади.

"Чекиш ҳақида гап кетганда, илтимос, менга эргашманг ва бундан қилманг. Мен бу курашда ютқаздим. Менга жуда салбий таъсир кўрсатадиган бу нарса менга жуда ёш пайтимда одат бўлиб қолган.
Замонавий футболчилар учун чекиш ёки ичиш ҳақида очиқчасига гапириш одатий ҳол эмас. Бироқ мен бу борада ростгўйман, чунки мен сиёсатчи эмасман. Мен шунчаки дарвозабонман. Тўпни ушлашим ва тепишим керак", – деди Шенсни.

Дарвозабон ўтган йилнинг октябрь ойида асосий дарвозабон Марк-Андре тер Штегеннинг жароҳатидан сўнг "Барса"га келиб қўшилганди. Польшалик посбон 2025 йил бошида асосий жамоадан жой олди ва жамоа тимсолига айланди. Жамоа 25 ўйинда бор-йўғи бир марта – Чемпионлар Лигаси чорак финалининг жавоб ўйинида Дортмунднинг "Боруссия"сига (1:3) мағлуб бўлди.

Войцех Шенсни чекиши ҳақида: "Мендан ўрнак олманглар"