Диего Костанинг ушбу Мундиалда жамоаси учун келтирган фойдаларидан бири Голландияга қарши ўйинда пенальти ишлади. Ундан сўнг умуман кўринмади.

Кевин-Принс Боатенг(чапда) - Гана терма жамоаси юлдузларидан бири. Лекин, ўзидан кутилган натижани қайд эта олмади.

Пепе - умуман олганда ҳар доим ҳам қизил карточка олавермайди. Лекин, бу сафаргиси у ва жамоаси учун қимматга тушди.

Яя Туре - унинг ўйинлари ҳам кўнгилдагидек чиқмади ва Кот-д’Ивуар яна гуруҳда қолиб кетди.

Клубдаги муваффақиятсиз мавсумдан сўнг Синдзи Кагаванинг терма жамоасида ҳам ишлари юришмади.

Стивен Жеррард бошчилигида Англия терма жамоаси ҳам ЖЧни тарк этди.

Серхио Рамос ЖЧдан олдин "Олтин тўп"га даъвогар сифатида таҳмин қилинаётган эди. Голландия терма жамоасига қарши ўйинда унинг қай аҳволга тушганини яхши биласиз.

Икер Касильяс - иккита ўйинда еттита гол ўтказиб юборган юлдуз эдиликда ЖЧни томошабинлар сафида кузатади.

Марио Балотелли - аввалига барчаси яхши кетаётган эди. Лекин Коста-Рикага қарши ўйинда гол уришни уддасидан чиқа олмади ва Уругвайга қарши ўйинда терма жамоа бош мураббийи Пранделли билан келиша олмай қолди.

Роналду бир оз бўлсада ўз ўйини билан терма жамоасининг Гана устидан ғалаба қозонишига ёрдам берди. Лекин... Унгача кўп нарса ҳал қилиб бўлинган эди. На чора, ёлғиз отнинг чанги чиқмас.

Ҳориж сайтлари асосида Азиз Тўхтамуродов тайёрлади

ЖЧда "йўқолиб қолган" юлдузлар (ФОТО)