"Sherlar"ning g'alaba goliga 87-daqiqada zaxiradan maydonga tushgan Ibrohimhalil Yo'ldoshev mualliflik qildi. Qiziqarli kechgan dramatik o'yindan so'ng futbolchi saytimizga fikrlarini bildirib o'tdi.

"Paxtakor" avval ham bunday qiyin vaziyatlardan chiqib ketib, "kambek"larni amalga oshirgan. G'alaba qozonishimizga ishongan edik. Birinchi va ikkinchi golni urib olganimizdan so'ng o'zimizga bo'lgan ishonch va shasht yuqori darajaga chiqdi. 0:2dan so'ng ortga yo'l qolmagandi, g'alaba uchun 3ta gol urishimiz shart edi. "Nasaf" uchrashuv avvalidan tashabbusni qo'liga oldi. Birinchi bo'limning o'zida qulay vaziyatlarni yuzaga keltirdik. Foydalanishga kelganda omad etishmadi. Sardor Rashidov penaltidan to'p kiritgach, jon-jahdimiz bilan hujumga o'tdik.
Jamoamizda xarakter bor. Buni bosh murabbiyimiz ham o'yindan keyingi matbuot anjumanida takidlab o'tdi. Qiyin holatlardan qanday chiqib ketish ustida nazariy mashg'ulotlarda ish olib borilgandi. Biz buni maydonda isbotladik.
Bundan avval "Nasaf" bilan Superkubokda ham to'qnash kelgan edik. Lekin bu ikki o'yin o'rtasida farq sezildi. Superkubok bitta o'yindan iborat edi. Chempionat esa uzoq davom etadi. Safarda, uyda o'ynaymiz. Raqib jamoa ishqibozlari kecha stadionda ajoyib muhit yaratishdi. Futbol shunisi bilan zavqlidir", - deydi Ibrohimhalil Yo'ldoshev.

"Nasaf" va "Paxtakor" o'rtasidagi trillerdan GALEREYA

Piter Xyuistra: "Futbolchilarimiz jang qila olishlarini namoyon etishdi"

Superliga. "Nasaf" - "Paxtakor" 2:3. O'yin sharhi

"Paxtakor" Qarshida "kambek" amalga oshirdi

Abdulaziz Iskandarov yozib oldi

"0:2dan so'ng ortga yo'l qolmagandi, g'alaba uchun 3ta gol urishimiz shart edi.". Qarshidagi o'yin qahramoni Ibrohimhalil Yo'ldoshevning fikrlari