Унда футбол бўйича терма жамоамиз ҳам иштирок этади. 23 ёшгача бўлган жамоалар ўртасидаги баҳсларда 3 нафар катта ёшли ўйинчилар хизматидан фойдаланилиши мумкин. Бу сафар Миржалол Қосимов бошчилигидаги термамиз ўз омадини синаб кўради.

МУСОБАҚА ТАРИХИ
1951 йилдан бери ўтказиб келинаётган мусобақада Эрон 4, Жанубий Корея эса 3 марта ғалаба қозонган. Тарихда Мьянма ва Хитой Тайпейининг турнирда 2 мартадан зафар қучгани бугун кўпчиликни ҳайрон қолдиради. Ҳиндистон ҳам Осиё ўйинларининг 2 карра ғолиби ҳисобланади. Ғолиблар сони мусобақа сонидан 2тага кўп. Чунки 1970 ва 1978 йилларда финалда дуранг натижа қайд этилиб, ҳар икки сафар финалчилар ғолиблар сифатида эътироф этилган. Ўша беллашувларда Жанубий Корея Бирма ва КХДР билан 0:0 ҳисобларини қайд этган.

Амалдаги ғолиб Япония терма жамоасидир. Японлар 2010 йил финалда БААдан 1:0 ҳисобида устун келишган. Ўзбекистон 1994 йил Хиросимада ягона муваффақиятини нишонлаган. Ўшанда майдонда ҳаракат қилган Миржалол Қосимов ва Шуҳрат Мақсудов ҳозирда мураббийлар штабида фаолият олиб боришаётгани эътиборга молик.

Ҳиндистон, Эрон, Жанубий Корея ва Қатар жамоалари ўз юртида ўтказилган мусобақада зафар қучишган.

Қуйида мусобақанинг барча финаллари келтирилган:

1951 Ҳиндистон – Эрон – 1:0
1954 Хитой Тайпейи – Жанубий Корея – 5:2
1958 Хитой Тайпейи – Жанубий Корея – 3:2
1962 Ҳиндистон – Жанубий Корея – 2:1
1966 Бирма – Эрон – 1:0
1970 Бирма – Жанубий Корея – 0:0*
1974 Эрон – Исроил – 1:0
1978 КХДР – Жанубий Корея – 0:0*
1982 Ироқ – Қувайт – 1:0
1986 Жанубий Корея – Саудия Арабистони - 2:0
1990 Эрон – КХДР – 0:0 (4:1)
1994 Ўзбекистон – Хитой – 4:2
1998 Эрон – Қувайт – 2:0
2002 Эрон – Япония – 2:1
2006 Қатар – Ироқ – 1:0
2010 Япония – БАА – 1:0

Барча ғолиблар
Эрон 4 (1974, 1990, 1998, 2002)
Жанубий Корея 3 (1970, 1978, 1986)
Ҳиндистон 2 (1951, 1962)
Бирма (ҳозирги Мьянма) 2 (1966, 1970)
Хитой Тайпейи 2 (1954, 1958)
Япония 1 (2010)
Ироқ 1 (1982)
КХДР 1 (1978)
Қатар 1 (2006)
Ўзбекистон 1 (1994)

Беҳзод НАЗАРОВ.

17-Осиё ўйинларида ким ғолиб бўлади?