Bir yil muqaddam mart oyining eng so'nggi kunida Toshkentdagi "Paxtakor" stadionida poytaxt derbisi bo'lib o'tgandi. Unda Vadim Abramov boshchiligidagi "Bunyodkor" nominal mezbon bo'lgandi. Sababi "qaldirg'ochlar"ning uy stadioni chimi tayyor emas edi.

Uchrashuvdagi hisob 17-daqiqada ochiladi. Chap qanotdan Marat Bikmaev oldinga o'tib to'pni jarima maydoniga uzatdi, himoyachilarga tegib yo'nalishini o'zgartirgan to'pni Dostonbek Hamdamov darvozaga yo'lladi - 0:1. O'zining sobiq klubini ranjitgan Hamdamov golini nishonlamadi va qo'lini yuqoriga ko'tarib "Bunyodkor" muxlislaridan uzr so'radi.

Birinchi taymda "qaldirg'ochlar" hisobni tenglashtirishga muvaffaq bo'lishadi. Burchakdan uzatilgan to'pni Mirjahon Mirahmadov boshi bilan darvozaga yo'llaydi - 1:1.

Ikkinchi taym o'rtalarida chap qanotdan Jaloliddin Masharipov to'pni havodan uzatdi, hammadan baland sakragan Dragan Cheran boshi bilan gol uradi - 1:2. Bu vaziyatda Murodjon Zuhurov to'pga chiqishda xatoga yo'l qo'yganini takidlash lozim.

Shu tariqa, "Paxtakor" mavsumni ikkita g'alaba, "Bunyodkor" esa ikkita mag'lubiyat bilan boshlaydi.

"BUNYODKOR" - "PAXTAKOR" - 1:2 (1:1)
31.03.2019. 2-tur. Toshkent. "Paxtakor" stadioni. 18770 tomoshabin.
Hakamlar: R.Ermatov, A.Rasulov, J.Saidov, SH.Nasibullaev.
Nazoratchi: R.Aytekov.
Gollar:
0:1 - Hamdamov Dostonbek (Bikmaev Marat), 17
1:1 - Mirahmadov Mirjahon (To'xtasinov Nurillo), 35
1:2 - Cheran Dragan (Masharipov Jaloliddin), 63
"BUNYODKOR": Zuhurov Murodjon; Qobilov Islom; G'ofurov Anvar; Ahmadaliev Dilshod; Jaloliddinov Jasur (Azimov Sardorbek, 78); G'iyosov Xurshid; Qahramonov Javohir (Rihsibaev Sanjar, 62); Qodirqulov Sanjar; Mirahmadov Mirjahon; To'xtasinov Nurillo; Abdullaev Abdulla (Izzatov Suhrob, 43).
"PAXTAKOR": Quvvatov Sanjar; Alijanov Hojiakbar; Abdullaev Sadriddin (Sobirxo'jaev Sardorbek, 46); Masharipov Jaloliddin; Cheran Dragan; Krimec Egor; Hamdamov Dostonbek (Yaxshiboev Jasurbek, 84); Hamrobekov Odiljon; Sayfiev Farruh; Kozak Vladimir; Bikmaev Marat (Sidiqov Javohir, 60).
Ogohlantirishlar: Qodirqulov Sanjar, 4; Krimec Egor, 82.

Video sportstat.uz saytidan olindi

2019 yilning eng yaxshi o'yinlari. "Bunyodkor" - "Paxtakor" 1:2