Bir yil oldingi Superliganing 6-turida Samarqandning "Dinamo" klubi o'z maydonida Namanganning "Navbahor" klubini qabul qilgandi. O'sha paytga qadar ikkala klub ham 7tadan ochko to'plashgandi.

Uchrashuvdagi hisob 25-daqiqada Slavko Lukich tomonidan ochiladi. Uning ajoyib zarbasi hech kimga tegmay darvozaga kirib ketgandi - 0:1.

Oradan 11 daqiqa o'tgach Sardor Eminovning havodan jarima maydoniga uzatgan to'pini Qadamboy Nurmetov boshi bilan darvozaga yo'llab hisobni tenglashtiradi - 1:1.

Birinchi taym so'nggida qarshi hujumda Sardor Eminov jarima maydoniga yaqinlashib, chap oyoqda ajoyib zarba beradi va "Dinamo" oldinga chiqib oladi - 2:1.

Ikkinchi taym boshida Ivan Solovyovning burchakdan oshirgan to'pini Aleksandr Kasyan boshi bilan darvozaga yo'laydi - 2:2.

Shiddatli o'tgan bahsda ikkala jamoa ham yana gol urishi mumkin edi, biroq qolgan vaqtda katta sahnaga darvozabonlar va darvoza to'sinlari chiqishdi.

"DINAMO" - "NAVBAHOR" - 2:2 (2:1)

26.04.2019. 6-tur. Samarqand. "Dinamo" stadioni. 8147 tomoshabin.
Hakamlar: R.Ermatov, A.Rasulov, J.Saidov, K.Rasulov.
Nazoratchi: M.Ismoilov

Gollar:
0:1 - Lukich Slavko (Ahmedov Azimjon), 25
1:1 - Nurmetov Qadamboy (Eminov Sardor), 36
2:1 - Eminov Sardor (Nurmetov Qadamboy), 45
2:2 - Kasyan Aleksandr (Solovyov Ivan), 47

"DINAMO": Ergashev Botirali; Loqaev Mirkomil; Alamxonov Hakimxon; Xolmurodov Akmal; Azimov Jasur (Baratov Sanjar, 71); Nurmetov Qadamboy (Shodiev Vohid, 67); Qosimov Bobur; Hamroev Siroj; Eminov Sardor (Norov Nizom, 90); Toshpo'latov Ixtier; Abdurahmonov Shoxrux.

"NAVBAHOR": Yusupov O'tkir; Lukich Slavko; O'runov Oston (Shaymanov Shahzod, 39); Ahmedov Azimjon; Solovyov Ivan (Tagaev Elman, 78); Kasyan Aleksandr (Nasimov Bahodir, 67); Jo'rabaev Obid; G'ofurov Mirzohid; Isroilov Abdujamol; Mehmonov Jahongir; G'ulomov Abbos.

Ogohlantirishlar: Eminov Sardor, 37; Solovyov Ivan, 45; Alamxonov Hakimxon, 90.

Video sportstat.uz saytidan olindi

2019 yilning eng yaxshi o'yinlari. "Dinamo" - "Navbahor" 2:2