Шу муносабат билан Иньестанинг Каталония клубидаги фаолияти борасида баъзи статистик маълумотларни эътиборингизга ҳавола қиламиз.

669 - Иньеста "Барселона" сафида барча турнирларни қўшиб ҳисоблаганда 669та учрашув ўтказган, фақат Хави клуб тарихида ундан кўп ўйин ўтказган (767) ягона футболчи.

456 - 669та ўйиннинг 456таси ғалаба билан якунланган, муваффақиятлар фоизи 68,2%

18 - Иньеста "Барселона" сафида дебют қилганида 18 ёш 170 кунлик эди. Ушбу учрашув 2002 йил 29 октябрь куни "Брюгге"га қарши Чемпионлар лигаси учрашуви бўлган.

8 - "Барселона" афсонаси ҳозиргача клуб билан 8 марта ЛаЛига чемпионига айланган, "Депортиво" билан ўйинда 9-соврин қўлга киритилиши мумкин.

69 - Иньеста ЛаЛига ўйинларида 69 марта голли пас берган. Унинг бу борадаг энг яхши натижаси 2012/13 мавсумда қайд этилган. Ўшанда у 16та голга ассистентлик қилган эди.

35 - У тўпурар бўлишига қарамасдан "Барселона" сафида ЛаЛига учрашувларида 35та гол урган.

9 - Ярим ҳимоячи ҳеч қачон "Олтин тўп"ни қўлга киритмаган бўлсада, ФИФАнинг йил рамзий терма жамоасидан 9 марта жой олган - фақат Роналду ва Месси ундан катта натижага эга (11 марта).

116 - Иньеста фаолиятидаги энг яхши он 2010 йилдаги жаҳон чемпионати финалининг 116-дақиқасида бўлган. Ўша дақиқада у Голландия дарвозасини ишғол қилиб, испанларга жаҳон чемпионатини ютиб берган. Ярим ҳимоячи финалнинг энг яхши футболчиси деб эътироф этилган.

9 - Иньеста ЛаЛигада 9 мураббий қўл остида тўп тепган. Франк Райкард жамоасида футболчи энг кўп учрашув (149та) ўтказган.

669та ўйинда 9 мураббий ва 8та ЛаЛига соврини. Иньестанинг "Барселона"даги фаолияти рақамларда