Alessandro Del Pero 1974 yilning 9 noyabr sanasida Italiyaning Konelyano shahrida tug'ilgan. Professional faoliyatini "Padova" klubida boshlagan. 1993 yildan 2012 yilga qadar Turinning "Yuventus" klubida o'ynagan. Ushbu klub safida 513ta o'yinda maydonga tushib raqiblar darvozasiga 208ta gol urgan. 2012-2014 yillarda Avstraliyada "Sidney" klubida faoliyat olib bordi. Nihoyat 2014 yilda Hindistonning "Dehli Dinamo" klubida o'ynadi.

Italiya milliy terma jamoasi safida 1995-2008 yillarda faoliyat olib borib 91ta o'yinda 27ta gol urgan. Butun faoliyati davomida 777ta rasmiy uchrashuvda maydonga tushib 316ta gol urishga erishgan.

Erishgan yutuqlari:
Jamoaviy - 2006 yilgi Jahon chempioni, 2000 yilgi Evropa chempionati finalchisi, 6 karra Italiya chempioni, Italiya kubogi sohibi, 4 karra Italiya Superkubogi sohibi, Evropa Chempionlar ligasi g'olibi, UEFA Superkubogi sohibi, Intertoto kubogi sohibi, Qitalararo kubok sohibi.

Shaxsiy - 1997-1998 yilgi ECHL to'purari, 2007-2008 yilgi Italiya chempionati to'purari, "Yuventus"ning barcha davrlar to'purari - 290ta gol. 17 mavsum davomida Italiya A seriyasida 10tadan ortiq gol urgan yagona futbolchi.

Filippo Inzagi 1973 yilning 9 avgustida Italiyaning Pyachenca shahrida tavallud topgan. Hujumchi o'z professional faoliyatini "Pyachenca" klubida boshlagan. "Leffe" va "Veron" klublarida ijarada o'ynagan. So'ngra "Parma", "Atalanta" va "Milan" kabi klublarda faoliyat olib borgan. Turining "Yuventus" klubida 1997-2001 yillar oralig'ida to'p tepgan. Bu jamoa safida 120ta o'yinda 57ta gol urgan.

Italiya milliy terma jamoasi safida 57ta o'yinda harakat qilib 25ta to'p kiritgan. Faoliyati davomida jami 623ta o'yinda 288ta gol urgan.

Erishgan yutuqlari:
Jamoaviy - 2006 yilgi Jahon chempioni, 2000 yilgi Evropa chempionati finalchisi, 3 karra Italiya chempioni, 3 karra Italiya Superkubogi sohibi, Italiya kubogi sohibi, UEFA Chempionlar ligasi g'olibi, 2 karra UEFA Superkubogi sohibi, Klublar o'rtasidagi Jahon chempionati g'olibi, Intertoto kubogi sohibi.
Shaxsiy - Italiya A seriyasining eng yaxshi yosh futbolchisi, 1996-1997 yilgi mavsumda Italiya A seriyasi to'purari, 2007 yilgi ECHL finalida eng yaxshi futbolchi, Evrokuboklarda "Milan"ning eng yaxshi to'purari.

Suratda 2006 yilda "Italiya Respublikasi oldidagi xizmatlari uchun" oficer ordeni sohiblari bo'lgan Del Pero va Filippo Inzagi (1998 yil).

90-yillar futboli: 1999 yilgi ECHL finali

90-yillar futboli: Kristian Veri va Ronaldo

90-yillar futboli. Gollandiya-1995

90-yillar futboli: Terri Anri

"90-yillar futboli". Alessandro Del Pero va Filippo Inzagi