Учрашувдан олдин ўзбек эстрада санъаткорлари ижросида концерт дастури ташкил этилди.

Беллашувнинг биринчи бўлими дастлабки дақиқалари тенг курашлар остида ўтди. Ҳар икки жамоа вакиллари рақиб дарвозасини ишғол этиш мақсадида ҳужумкор ўйин намойиш этдилар. Биринчи бўлим ўрталарига келиб «Истиқлол» жамоаси томонидан уюштирилаётган ҳужумлар хавфли кўриниш ҳосил қила бошлади. Биринчи бўлим 31-дақиқасига келиб Анвар Ҳожимирзаев ҳисобни очиб, «Истиқлол» жамоасининг жорий мавсумдаги илк голига муаллифлик қилди. Орадан кўп ўтмай, аниқроғи 35-дақиқада Фаррух Иброҳимов «Истиқол» жамоасининг иккинчи голини киритди. Биринчи бўлим сўнгига қадар ҳисоб бошқа ўзгармади.

Учрашувнинг иккинчи бўлими ҳам хавфли вазиятларга бой бўлди. Ҳар икки жамоа вакилларида рақиб дарвозасини ишғол этиш учун кўплаб имкониятлар юзага келди. 90-дақиқага келиб заҳирадан ўйинга қўшилган тажрибали Анвар Бердиев бош билан ажойиб зарба йўллаб, ҳисобни йирик кўринишга келтириб қўйди. Фарғона вилояти дербиси шу тариқа «Истиқлол» жамоасининг йирик ҳисобдаги ғалабаси билан якунига етди.

ПРО-лига. "А" гуруҳи.
1-тур
“Ифтихор" – “Истиқлол” 0:3 (0:2)
Голлар: Анвар Ҳожимирзаев 31 (0:1), Фаррух Иброҳимов 35, (0:2), Анвар Бердиев 90, (0:3)
Ҳакамлар: Олим Тўйчибоев, Шохруҳ Аъзамов, Равшан Кападзе, Муҳаммадсултон Фозилов.
Назоратчи: Шухратжон Бозоров.
Комиссар: Зоҳиршоҳ Акрамхонов.

"Ифтихор": 1. Малик Абдулазиз Бурхонов, 4.Давронбек Қорабоев, 5.Асрорбек Тиловолдиев, 6.Асадбек Маъмуров, 7.Саиджон Абдужабборов, 11.Хабибулло Буватоев, 19.Таваккал Абдураҳмонов, 21.Жамшид Тўрақулов, 25.Шохруҳ Юлдашев, 27.Исмоилжон Толипов, 77.Абдумалик Тошпўлатов.
Захира: 16.Дилхуш Мўйдинов, 2.Аҳмадхон Рўзибоев, 9.Достонжон Рашидов, 10.Достонбек Бобожонов, 13.Шухратжон Ўринбоев, 14.Бекзод Алиев, 17.Нурулло Мирзажонов, 22.Озодбек Давронбеков, 90.Ғиёсжон Турсунов.
"Истиқлол": 1.Рустам Нартаджиев, 2.Шерзодбек Содиқжонов, 3.Фаррух Иброҳимов, 8.Сардорбек Сотволдиев, 9.Абдуқодир Артиқов, 10.Элёржон Акбаров, 13.Тимур Султанов, 14.Рустамжон Абдуҳамидов, 17.Анваржон Хожимирзаев, 20.Улуғбек Худайбердиев, 30.Элдор Эргашов.
Захира: 12.Жасурбек Абдуллаев, 4.Жасурбек Эрмаматов, 6.Илҳомжон Алижонов, 7.Риза Айвазов, 11.Анвар Бердиев, 19.Файзулло Жуманқўзиев, 22.Сардор Теляков.

Фото: Беҳруз Холиков

Бекзод Толибов тайёрлади

А ПРО-Лига. Фарғона вилояти дербисида “Истиқлол” ғалаба қозонди (батафсил шарҳ)