Uchrashuvda hisob 33-daqiqada mezbonlar vakili Luis Alberto tomonidan ochildi. "Sassuolo" ikkinchi bo'lim avvalida hisobni tenglashtirgan bo'lsa, uchrashuvga qo'shib berilgan 1-daqiqada Franchesko Kaputo tomonidan urilgan gol mehmonlarga 3 ochko taqdim qildi.

Shu tariqa musobaqa jadvalida 2-o'rinda borayotgan Simone Inzagi jamoasi ketma-ket 3-o'yinda ham mag'lubiyatga uchradi. Bunga qadar "Milan" (3:0) va "Lechche"ga (2:1) ham imkoniyat boy bberilgandi. Agar bugun "Atalanta" "Yuventus"dan ustun kelsa, "Lacio"ni 3-pog'onaga tushirib yuboradi. "Sassuolo" esa ushbu g'alabadan keyin 8-o'ringa joylashgan (46 ochko).

Italiya chempionati turnir jadvalidagi holat bilan tanishing.

Lacio – Sassuolo 1:2
11 iyul, 20.15, Stadio Olimpiko
Gollar:
1:0 – 33 Luis Alberto, 1:1 – 52 Raspadori, 1:2 – 90 Kaputo.
Lacio – Strakosha, Lukaku (Xoni Rodriges, 46), Radu (Vavro, 83), Bashtush, Laccari, Luis Alberto (Adekane, 83), Milinkovich-Savich (Leyva, 67), Parolo, Acherbi, Kaysedo (Kataldi, 61), Immobile.
Sassuolo – Konsili, Marlon, Ferrari, Tolyan (Myuldyur, 46), Kiryakopulos, Lokatelli, Boga (Rojerio, 79), Burabiya, Djurichich (Garaslin, 68), Traore (Kaputo, 46), Raspadori (Manyani, 89).
Ogohlantirishlar:
Parolo (23), Immobile (42), Myuldyur (51), Bashtush (75), Ferrari (83), Leyva (85).

A Seriya. "Lacio" qatorasiga 3-bor mag'lubiyatga uchradi