Speciya – Inter 2:1
11 mart, 00:45 | "Alberto Pikko"
Gollar: Maldini (55, 1:0), Lukaku (84-pen, 1:1), Nzola (86-pen, 2:1).
Speciya – Drongovski, Amyan, Nikolau, Kaldara, Ampadu, Visnevski, Burabiya, Jurkovski (Ekdal, 46), Agudelo (Kovalenko, 67), Shomurodov (Maldini, 46; Visnievski, 90), Nzola, Jasi (Ferrer, 81).
Inter – Xandanovich, Darmian (Karboni, 80), D`Ambrozio (Dumfris, 66), Acherbi, Bastoni, Gozens (Dimarko, 66), Mxitaryan (Djeko, 66), Brozovich, Barella (Chalxanoglu, 66), Lukaku, Martines.
Ogohlantirish: Jasi (6), Kaldara (12), Nikolau (71).

YANGILASH

A Seriya turnir jadvali bilan tanishib olishingiz mumkin

UCHRASHUV YAKUNLANDI! Semplichi qo'l ostida "Speciya" ilk g'alabasini qo'lga kiritdi!

90+4. Lautaroning zarbasi noaniq ketdi.

Uchrashuvga 6 daqiqa qo'shib berildi.

90. UXXXXXXX!!! Darvozaga kirib ketayotgan to'pni "Speciya" futbolchisi qaytarib qoldi!

86. GOOOOLLLLLL!!! NZZOLAAAAAAA!!! "Speciya" ikkinchi zarba bilan ikkinchi golni urdi!

85. PE-NAL-TIIII!!! "Speciya" tepadi endi!

84. GOOOOOOOOLLLL! Lukaku penaltidan unumli foydalandi va hisob tenglashdi.

83. PENALTI! Lukaku to'p yonida.

82. Dimarko chap qanotdan to'pni darvoza yoniga uzatdi. Ampadu vaziyatni bataraf qildi.

78. ZARBAAAAAAAA!! Burchakdan uzatilgan to'pni Brozovich to'xtatmasdan, erga tushirmasdan darvoza tomon tepgandi. To'p darvoza yonidan o'tib ketdi.

75. ZARBAAAAAAAA!! Burchakdan uzatilgan to'pga Lautaro boshi bilan zarba yo'lladi. Gol bo'lishiga bir bahya qolgandi.

73. "Inter" uzoq vaqt "Speciya"ni bosim ostida ushlab turdi. Yakunda Lautaro hujumda fol ishlatdi va to'p mezbonlarga olib berildi.

70. ZARBAAAAAAA!!! Chalxanogluning uzoq masofadan darvozaga yo'llagan kuchli zarbasi noaniq ko'rinish oldi.

67. "Inter"da bir yo'la 3 o'zgarish bo'ldi. Inzagi gol urish uchun hujum chizig'ini yangilab tashladi.

65. "Inter" yana hujumga o'tgandi. Qanotdan uzatilgan to'pga Gosens zarba yo'lladi. Noaniq.

59. "Inter" hujumga o'tdi. Gosensning zarbasini himoyachilar burchakka chiqarib yuborishdi.

Tasavvur qiling: zarbalar 1-17. Gollar 1-0. Qani adolat)

55. GOOOOOOOOOOLLLLLL!!! Shomurodovning o'rniga maydonga tushgan Daniel Maldini hisobni ochdi!

50. UXXXXX!! Mxitaryan burchak zarbasidan gol urmoqchi bo'ldi. Dragovski o'z o'rnida ishonchli o'ynadi.

46. Taym gol bilan boshlangandi. Ammo Lukaku offsaydda qolgani sababli gol inobatga olinmadi. Martines chiroyli gol urgandi.

46. Ikkinchi bo'lim boshlandi!

46. O'zgarish. Shomurodov o'rniga Maldini maydonga tushdi.

- Jamoalar maydonga qaytib chiqishdi, ammo...

"Speciya"ning bosimi ostida birinchi bo'lim yakunlandi.

Birinchi bo'limga 2 daqiqa qo'shib berildi.

42. DRAGOVSKIIIIIII!!! Lautaro tezkor qarshi hujumga o'tib ketdi jarima maydonchasi chizig'i ustidan Dragovskining darvozasiga to'pni kiritmoqchi bo'ldi. Darvozabon yana bunga ko'nmadi.

39. Shomurodov markazda jarima ishladi. Undan Agudeloning uzatgan to'pi maydondan chiqib ketdi.

35. Lautaroning zarbasi rikoshet hosil qilib, Dragovskining qo'liga borib tushdi.

32. AGUDELOOOOOOOO!!!! Ikki himoyachidan ko'rdim demay o'tib ketdi va Xandanovichning ustidan to'pni tashladi. Afsuski, to'p darvoza to'siniga tegib qaytdi.

29. ZARBAAAAAA!! Havodan kelayotgan to'pni Mxitaryan erga tushirmasdan darvozaga tepdi. To'p darvoza tepasidan o'tib ketdi.

26. Lukaku hujumga o'tdi. 3-4 marta "zamax" olganiga biror himoyachi "xot-dogga ketmadi". Uning zarbasiga blok qo'ya olishdi.

21. ZARBAAAAAAA!! DRAGOVSKIII!!! Lautaroning yana bir kuchli zarbasini polshalik posbon qaytara oldi!

19. "Inter" yana hujumda. Gosensning qanotdan uzatmasiga Lukaku zarba berdi. To'p regbi darvozasiga ham gol bo'lmasdi.

16. EXXXXX!! Nzola jarima maydonchasi tomon pas bergandi. To'p Eldorga etib borishiga Bastoni yo'l qo'ymadi.

14. YO'O'O'O'QQQQ!!! Dragovski super seyvni amalga oshirdi!

12. PENALTI! Kaldaraga sariq!

11. Bu katta ehtimol penalti.

9. VAR ishga tushdi. Kaldara darvozasi yonida raqibiga qarshi fol ishlatgandek ko'rindi.

6. ZARBAAAAAAAA!! Lautaroning bu safargi kuchli zarbasini Dragovski qiyinchilik bilan urib yubordi.

4. Bahsdagi ilk aniq zarba. Lautaroning noqulay tarzda yo'llagan zarbasini Dragovski ushlab oldi.

1. UCHRASHUV BOSHLANDI!

- Jamoalar o'yin oldidan bir daqiqalik sukut saqlashmoqda.

- Hurmatli futbol ishqibozlari! "Alberto Pikko" stadionida "Speciya" - "Inter" uchrashuvi boshlanmoqda.

A Seriya. Ikki zarba ikki gol - "Speciya" o'z maydonida "Inter"ni mag'lub etdi, Shomurodov bir bo'lim o'ynadi