Хусусан, “Бунёдкор” ўринбосарларидан Жаҳонгир Абдусаломов, “Пахтакор”дан Бобур Асқаров таклиф этилди. Шунингдек, ўтган мавсумни “Динамо”да ўтказган Аббос Шодмонов ҳам муборакликлар билан янги мавсумга тайёргарликни давом эттирмоқда. Тажрибали футболчи бугун ўтказилган “Локомотив”га қарши назорат баҳсидан сўнг фикрлари билан ўртоқлашди.

“Қизғин руҳда ҳозирлик олиб бормоқдамиз. Барча жамоалар қатори ўртоқлик учрашувлари ўтказяпмиз. Асосан, спорт формасига ва жамоавий ўйинни тезроқ йўлга қўйиб олишга эътибор қаратяпмиз. Ҳеч ким Суперлигада жон сақлаб қолиш учун ёки охирги ўринларни эгаллаш учун қатнашмайди. Барча, иложи борича тепа поғоналарни кўзлайди. Биз ҳам яхши ниятлар билан мавсумни бошлаш арафасидамиз. Таркибда иқтидорли ва кучли иштиёқга эга ёшлар кўп. Албатта, Суперлига ҳавосидан нафас олган, кучли ўйинчилар йўқ эмас. Аҳил оила бўлиб, ягона мақсад остида бирлаша олсак ўйлайманки, мақсадимизга эришамиз. Ҳар бир учрашувда мухлисларимизни хурсанд қилишга боримизни берамиз”,- деди футболчи.

Абдулазиз Искандаров ёзиб олди

Аббос Шодмонов: “Ҳар бир баҳсда ишқибозларни хурсанд қилмоқчимиз”