Abdumalik Hakimov: Birinchi o'rinda, ushbu g'alabani uzoq vaqtdan beri kutayotgan jamoamiz rahbariyati va farg'onalik sodiq muxlislarni tabriklayman! Yigitlarga katta rahmat! Bu g'alaba barchamizniki. Ochig'i g'alabani katta-kichigi bo'lmaydi. Sekin-asta barchasi ijobiy ko'rinish olmoqda. Iqtidorli hujumchi Murod Bobojonov jarohatdan tiklandi. Shu qatori yana boshqa futbolchilarimiz ham o'zlarining optimal formalariga kirib borishmoqda. Nasib qilsa, hali o'z muxlislarimizni bunday g'alabalar bilan ko'p xursand qilamiz

- Demak "Neftchi"ning hozirgi natijalari vaqtincha, to'g'rimi?
- Ha vaqtincha holat deb o'ylayman. Jamoa muvaffaqiyatlari uchun qo'limizdan kelgan barchasini amalga oshiramiz. O'yin tengkurashlar ostida kechdi. "Sho'rtan" - kuchli raqib ekanligini bilardik. G'uzorliklarga keyingi o'yinlarda omad tilayman

- "Neftchi" asosiy etiborini O'zbekiston Kubogiga qaratganmi yoki Superliga bahslariga?
- Xar bir o'yinda g'alaba uchun maydonga tushamiz. To'g'ri g'alaba osonlikcha qo'lga kiritilmaydi. Joriy mavsumdan boshlab jamoalar o'rtasida raqobat yanada qizg'in ko'rinish oldi. Oson o'yin yo'q. Shu sabab xar bir jamoa o'yinlarga juda ham puxta va jiddiy hozirlik ko'rmoqda.

Shukurali Po'latov: Uzoq kutilgan ilk g'alaba bilan jamoamizning ashaddiy muxlislarini tabriklayman. Futbolda g'alaba va mag'lubiyat doim birga yuradi. Xabaringiz bor, mavsumga juda oz fursat qolganda Superligada ishtirok etishimiz aniq bo'lib ulgurdi. Tayyorgarlikka esa oz vaqt qolgandi. Shu vaqt oralig'ida murabbiylar shtabi o'zlari istagandek selekciya va tayyorgarlik jarayonini olib borisha olmadi. Bu ham natijalarga o'z tasirini o'tkazmoqda. Omadsizlik vaqtincha deb o'ylayman. Hammasi yaxshi bo'ladi.

Abdumalik Hakimov: "G'alabaning katta-kichigi bo'lmaydi"