Aniqrog'i, uchrashuvda Abduqodir Husanovning o'yinini.

Birinchidan, Husanov o'zining asl poziciyasida o'ynamaganini qayd etish kerak. 4-3-3 sxemasida u o'ng qanot himoyachisi rolini bajardi. Vaholanki, bungacha Manchesterda u faqatgina markaziy himoyachi (uchta markaziy himoyachilik sxemada eng markaziy himoyachi va o'ng / chap markaziy himoyachi) sifatida maydonga tashlanayotgandi.

Gvardiola tomonidan bunday qadamni nisbatan himoyaviy o'yinga qaratilgan etibor deb atash mumkin. Joriy mavsum "Man Siti" o'ng qanot himoyasida odatda Riko Lyuis yoki Mateush Nunesh harakat qilyapti. Ularning har ikkisining hamyurtimizga ko'ra, hujumga moyilligi yuqoriroq. Riko esa jamoa hujumga o'tganida bir yo'la tayanch zonasida paydo bo'ladi va sxema 4-3-3dan 3-2-2-3ga o'zgaradi. Qo'shimchasiga, balki Husanov Vinisiusga qarshi deyarli personal harakat qilish uchun ham qanotga tashlangandir.

Umuman olganda, Husanov braziliyalik Vinisiusni "zararsizlantirish" vazifasini sifatli bajara oldi. Junior o'yin davomida bor yo'g'i 3 marta zarba berdi (ulardan faqat bittasi darvoza sohasiga aniq bordi), ikkita uzatmani amalga oshirdi (birortasi ko'zlangan manzilga aniq etib bormadi), 7 bor dribling ishlatishga urinib ko'rdi (43% omadli). Ha, Vinisius bir necha bor jarima maydonchasiga yaqin hududda Husanovni aldamchi harakatlari bilan chalg'itishga erishdi, ammo gollar boshqa zonalar orqali yuzaga keldi. "Real" safida shu kuni hujumda nafaqat Vinisius, balki Mbappe va Rodrigo ham bor edi. Va boshqa tomondan qarasak, shu ikkovlon natijani hal qilishdi. "Shaharliklar" o'tkazib yuborgan 3 ta golning faqat 1 tasida (ikkinchi golda) Husanovning "ulushi" bor.

Keling, Abduqodirning "Real"ga qarshi o'yindagi statistik ko'rsatkichlariga nazar tashlaymiz ("WyScout" malumotlari):

80 ta texnik-taktik harakatlar (67 tasi muvaffaqiyatli, 84%);
1 zarba (1 ta aniq zarba, 100%);
Uzatmalar aniqligi 59 tadan 54 tasi (92%);
2 uzatma (1 tasi aniq, 50%);
• 2 marta raqib aldashga urinish (1 tasi muvaffaqiyatli, 50%);
17 marta to'p uchun kurash (11 tasida ustun keldi, 67%);
1 ta havodagi kurash (Husanov unda ustun keldi, 100%);
3 marta to'pni olib qo'yish;
11 to'pni jamoasiga qaytarib olib berish (uzatilgan to'pni ilib ketish);
3 marta to'pni jaroma maydonchasidan uzoqlashtirish.

"SofaScore" Husanovning o'yinini 6,8 ballga loyiq ko'rdi. Bu borada Abduqodir jamoadoshlari Natan Ake, Yoshko Gvardiol, Omara Marmush va Savinoni ortda qoldirdi.

Bu Husanovning "Manchester Siti" tarkibidagi endigina 4 o'yini ekanligini (qo'shimchasiga ECHL pley-offi va birdaniga "Real"ga qarshi o'ynash), Shuningdek, u o'zinig qadrdon nuqtasida o'yamaganini inobatga olsak, Abduqodir muvaffaqiyatli bahs o'tkazdi, deya olamiz.

Abduqodir Husanovning "Real"ga qarshi o'yini tahlili