- Qodir, "Manchester Siti"ga xush kelibsiz. Endilikda bizning futbolchilardan biri bo'lish qanday ekan?

- Bu jamoaga qo'shilganimdan juda xursandman. "Manchester Siti" dunyoning eng yaxshi jamoalaridan biri, bu erga sovrin yutish uchun keldim.

- Ayni damda "Siti"ga o'tish siz uchun to'g'ri qadamligiga nima ishontirdi?

- "Manchester Siti" eng yirik jamoalardan biri. Gvardiola - jahonning eng yaxshi murabbiylaridan. Shu sabab keldim.

- Faoliyatingiz yo'li haqida aytib bera olasizmi?

- Bolalikdagi birinchi jamoam "ToshKuch" bo'lgan. U erdan "Bunyodkor" akademiyasiga o'tganman. Akademiyadan so'ng professional futboldagi ilk klubim Belarus jamoasi bo'lgan. 18 yoshimda u erdan Franciyaga, bugun esa "Manchester Siti"ga o'tdim.

- Nega 45 raqamni tanladingiz? Oldin ham ushbu raqamda o'ynagansiz, u siz uchun o'zgacha ahamiyat kasb etadimi?

- Professional futbolni Belarusda 45 raqam ostida boshlaganman. Shu sababli bu raqamni oldim.

- Siz tez o'sishga muvaffaq bo'ldingiz. Xabarlarda ko'plab jamoalar sizga qiziqish bildirganini yozishdi. Shuncha jamoalar turganda, nega aynan "Siti"ni tanladingiz?

- Oldinroq aytdim, eng yaxshi jamoa, eng yaxshi murabbiy, eng yaxshi chempionat.

- O'tgan yili yoki undan oldin "Manchester Siti" o'yinlarini ko'rishga imkoningiz bo'lganmi? Nima deb o'ylaysiz, qanday futbol namoyish etamiz?

- O'yini zo'r, boshqacha, hammanikiga o'xshamaydi.

- Pep Gvardiola qo'l ostida ishlash siz uchun qanchalik muhim? Bu "Siti"ni tanlashda asosiy rolni o'ynadimi?

- Chunki doimo eng yaxshisini tanlaganman. Men yaxshilar bilan ishlash uchun keldim.

- Yangi mamlakat, yangi liga... Hayotingizdagi yangi chaqiruvlar sizni hayajonlantiryaptimi? Chunki juda yoshsiz, 20 yoshdasiz.

- Men har doim qiyinchilik bilan kelganman. Hech narsada to'xtash yo'q.

- Siz Premer-liga tarixidagi birinchi o'zbek futbolchisi bo'lasiz. Bu siz va oilangiz uchun juda faxrli onlar bo'lsa kerak. Uyingizdagilarning reakciyasi qanday bo'ldi?

- Bu nafaqat men uchun, balki butun O'zbekiston uchun (katta muvaffaqiyat). Men Angliya Premer-ligasidagi birinchi o'zbekman. Bu hali boshlanishi, o'zbeklar ko'p kelishadi...

- O'zbekiston terma jamoasi hech qachon jahon chempionatida ishtirok etmagan. Biroq 2026 yildagi mundialda ishtirok etishga yaqin turibsiz. Bizga mamlakatingizdagi futbol va u qanday o'sayotgani haqida qisqacha gapirib bera olasizmi?

- O'zbekistonda futbolga etibor juda katta. Shu sabab hamma mundialda ishtirok etishimizga ishonishmoqda. Bir qadam qoldi...

- Otangiz ham professional futbolchi bo'lgan. U sizning faoliyatingizga qanchalik tasir ko'rsatgan?

- Dadamning futbol o'ynashini ko'rib, menda ham qiziqish paydo bo'lgan. Borganman... Hozirgi darajamga etishimga dadamning hissasi katta. Har bir o'yin va mashg'ulotdan so'ng xatolarni muhokama qilamiz.

- So'nggi savol. "Siti" futbolchisi va Abduqodir Husanov sifatida bu mavsumdagi maqsadlaringiz qanday?

- Bu erga o'sish va sovrin yutish uchun keldim.

Abduqodir Husanovning "Manchester Siti"dagi birinchi intervyusi