Bugungi bahs biz kutganimizdek shiddatli kechdi. Ikkinchi davra o'yinlariga puxta tayyorgarlik ko'rgan edik, ayniqsa Qiziltog'dagi ikki haftalik yig'in biz uchun juda foydali bo'ldi. Bugungi o'yinda bu narsa yaqqol sezildi. Birinchi bo'limda ko'plab vaziyatlar yaratdik, lekin undan foydalana olmadik. Ikkinchi bo'limda zaxiradan tushirilgan futbolchilarimiz o'yinni yanada kuchaytirdi bu hisobda ham aks etdi.

Raqib jamoa ham biz kutganday yaxshi o'yin namoyish etdi. Jamoa yosh bo'lishiga qaramay ancha mazmunli o'yin namoyish etadi.

Davra oralig'ida jamoamizga qo'shilgan futbolchilarning ko'rsatgan o'yinlaridan qoniqdim. Hammasi bergan ko'rsatmalarimni to'liq bajarishdi. Keyingi bo'lib o'tadigan bahslarga mana shunday ko'tarinki kayfiyatda yanayam yaxshi tayyorgarlik ko'ramiz.

Fursatdan foydalanib bizga sharoitlarni yaratib kelayotgan jamoamiz rahbarlarini, mazmunli o'yinlarini namoyish etgan futbolchilarimizni oz sonli bo'lsada bizni qo'llab-quvvatlab kelayotgan haqiqiy muxlislarimizni bugungi g'alaba bilan tabriklayman va ularga katta rahmat aytaman - deb so'zini yakunladi Ismoilov.

"UzDongJu" matbuot xizmati

Abdurashid Ismoilov: "Davralar oralig'ida jamoamizga qo'shilgan futbolchilarning ko'rsatgan o'yinlaridan qoniqdim"