Yarim himoyachi shu kuni jamoasining gollaridan biriga mualliflik qildi. O'yindan so'ng uning fikrlari bilan qiziqdik.

"Paxtakor" bilan uchrashuvga to'xtaladigan bo'lsam, Samarqandda ajoyib oqshom guvohiga aylandik. Muxlislar ham stadionda ajoyib muhit yaratishdi. Ularga minnatdorchilik bildiraman. Maydonda kimga qarshi o'ynashimizni bilar edik va shunga yarasha tayyorgarlik ko'rdik. Natijani esa barcha ko'rib turibdi.

Vadim Abramov raqibning xatosini kutishimizni va darhol oldinga chiqib jazolashimizni aytgandi. "Paxtakor" mudofaa chizig'idagi bo'shliqlardan foydalana oldik. Birinchi bo'limdagi 3ta goldan tashqari shu kuni yana urishimiz ham mumkin edi. O'zimda ajoyib vaziyat yuzaga keldi. Nima ham derdim, nasib qilmagan ekan. Ikkinchi bo'limda bo'shashimiz mumkin edi. Ozgina etiborni yo'qotdik va 2ta gol o'tkazib yubordik. So'nggi daqiqagacha barcha sarosimada bo'ldi",- deydi Abubakr Mo'ydinov.

Abubakr Mo'ydinov: "Paxtakor"ga shu kuni 3tadan ko'proq gol urishimiz mumkin edi"