"AGMK 2023 yilgi mavsum so'ngiga qadar "Nasaf" singari loyihaga aylanadi. Yani, o'z stadioni, akademiyasi va bazasi mavjud bo'lgan futbol klubiga.

Yanvar oyida AGMK stadioni maysasi hamda drenaj tizimini almashtirish, projektorlarni 2100 lyuksga etkazish ishlari boshlanadi. Katta ehtimol bilan aprel oyida stadion o'yinlarni qabul qilishga tayyor bo'ladi. Mart oyida klub uy uchrashuvlarini "Jar" stadionida o'tkazishi mumkin.

OKMK sport kompleksi futbol klubi uchun uzoq yilga ishonchli boshqaruvga beriladi. Shuningdek, klub akademiyasini qurish ishlari boshlanadi. Akademiya Toshkent va vodiy o'rtasida joylashgani katta yutuq. U Angren, Ohangaron, Olmaliq shaharlari uchun juda qulay joyda barpo etilishi rejalashtirilgan.

AGMK avgust oyida Chempionlar Ligasining saralashidan muvaffaqiyatli o'ta olsa, guruh bosqichiga yo'llanma oladi va chimi talabga javob bera oladigan stadionda uy uchrashuvlarini qabul qiladi.

OKMK rahbariga iliq va samimiy uchrashuv uchun minnatdorchilik bildiramiz. Vaqt o'ta ziq faoliyati davomida ham adabiyot, tarix va ilmga vaqt ajrata oladigan shaxslar doim hurmatga loyiq", – deyiladi O'zPFL rahbari xabarida.

"AGMK 2023 yilgi mavsum oxirigacha "Nasaf" singari loyihaga aylanadi" - Diyor Imomxo'jaev