Унда АГМК "Пахтакор" билан чемпионлик йўлида беллашди.

Бу ҳақида АГМК клуби матбуот хизмати қуйидаги шарҳни ёзди: "Александр Петров жамоаси барча масалани уч ўйиндаёқ ҳал этиб, навбатдаги олтин медалларга эга чиқди.
Дастлабки ўйинда "Пахтакор"га ҳеч қандай имконият қолдирмай 6:1 ҳисобида ғалаба тантана қилинди. Иккинчи кунги серияда эса АГМК номинал меҳмон сифатида "Пахтакор"ни 5:4 ҳисобида таслим қилди. Бугун, яъни учинчи серияда АГМК "Пахтакор" дарвозасига жавобсиз тўртта гол уриб, Ўзбекистоннинг 5 карра чемпионига айланди.
Эътиборлиси, АГМК қаторасига бешинчи йили футзал шоҳсупасининг юқори чўққисида қолмоқда.

Футзал
Ўзбекистон чемпионати, 2-босқич.
15 декабрь, якшанба
Финал, 1-ўйин.
АГМК — “Пахтакор” 6:1
Голлар: Раҳматов (5), Валижонов (17), Усмонов (23, 35), Нишонов (25), Умаров (34) - Чориев (24)

16 декабрь, душанба.
Финал, 2-ўйин.
“Пахтакор” — АГМК 4:5
Голлар: Шавкатов (14, 17, 19), автогол (33) - Одилов (4), Ҳамроев (18, 25), Ропиев (21), автогол (31)

17 декабрь, сешанба.
Финал, 3-ўйин.
АГМК — “Пахтакор” 4:0
Голлар: Бердиев (1), Ропиев (9), Нишонов (20), Усмонов (27)

Қўлга киритилган навбатдаги чемпионлик билан Олмалиқ шаҳри, АГМК жамоасининг барча мухлисларини табриклаймиз!, — дейилади АГМК матбуот хизмати хабарида.

АГМК финалда "Пахтакор"ни кетма-кет 3 маротаба ютди ва 5 карра Ўзбекистон чемпионига айланди