Qayd etish kerakki, "Paxtakor" joriy mavsum chempionatda mag'lubiyat nimalagini bilmay kelmoqda. Jamoa o'tkazilgan 16 uchrashuvdan 14tasi g'alaba qozongan va 2 marotaba durang qayd etgan. Ayni paytda chempionatimizdagi eng kuchli jamoa bo'lib turgan "Paxtakor" bilan bu gal umumiy hisobdagi 25-uchrashuvni o'tkazamiz. Jamoalar ichki chempionatda 23 marotaba va O'zbekiston kubogi finalida 1 bora to'qnash kelishgan. O'zaro o'yinlardagi ustunlik "Paxtakor" tarafida.
Statistikaga ko'ra, 5 marotaba jamoamiz g'alaba qozongan bo'lsa, 2 bor durang qayd etilgan va 17 o'yinda "Paxtakor"ning qo'li baland kelgan. To'plar nisbati: 17-38.
Joriy mavsumdagi birinchi davra o'yinida Toshkentda jamoamiz "Paxtakor"ga (4:1) imkoniyatni boy bergandi. O'shanda jamoamizning yagona goliga mualliflik qilgan Zafar Polvonov ayni paytda ketma-ket 6 uchrashuvdan buyon maydonni golsiz tark etmayapti. Jamoamiz esa 16-turdan keyin 16 ochko jamg'argan holda turnir jadvalining 10-pog'onasida bormoqda.
Qiziqarli malumot sifatida shuni aytish mumkinki, mazkur o'yin AGMKning O'zbekiston milliy chempionatidagi umumiy hisobda 329-o'yini bo'ladi. Hozirga qadar o'tkazilgan 328 uchrashuvda jamoamiz 113 g'alaba, 69 durang va 146 mag'lubiyat qayd etgan. To'plar nisbati esa 448-489 ko'rsatkichiga ega. AGMKning O'zbekiston milliy chempionatida to'plagan ochkolari soni 408ga teng. Bu borada jamoamiz 39ta jamoa bor ro'yxatda umumiy jadvalda 18-o'rinda bormoqda.
O'zbekiston milliy chempionati boshlangandan buyon uzluksiz unda ishtirok etib kelayotgan "Paxtakor" esa o'zining 819-uchrashuvi arafasida turibdi. O'zbekistonning ko'p karra chempioni va rekordchisi hozirga qadar "Navbahor" bilan birgalikda milliy chempionatda eng ko'p uchrashuv o'tkazgan jamoa bo'lib turibdi. Ular o'tkazilgan 818-uchrashuvda 556 g'alaba, 132 durang va 130 mag'lubiyat qayd etishgan. To'plar nisbati: 1833-692. To'plagan ochkolari esa 1800 ochkoga teng.
Qisqa qilib aytganda, mazkur turda O'zbekiston milliy chempionatlaridagi umumiy turnir jadvalining o'rtasida borayotgan AGMK hozirgi chempionatda ham, umumiy jadvalda ham yakka peshqadam bo'lib turgan "Paxtakor"ni qabul qiladi.
Maqsad esa joriy mavsumda mag'lubiyatsiz ketayotgan kuchli raqibni dog'da qoldirish va muxlislarni xursand etish.
Eslatib o'tamiz, Superliganing 17-turidan o'rin olgan AGMK - "Paxtakor" bellashuvi 17 avgust kuni, Olmaliq shahridagi OKMK sport majmuasidagi "Markaziy" stadionda soat 19:15da boshlanadi.
Mazkur o'yinga jamoamizni qo'llab-quvvatlash uchun muxlislarni chorlab qolamiz, - deyiladi AGMK matbuot xizmati yozgan prevyuda.

AGMK - "Paxtakor": prevyu