Ushbu o'yin 12 aprel kuni bo'lib o'tadi. Ananamizga sodiq qolgan holda mazkur jamoalarning o'zaro uchrashuvlariga doir statistik malumotlarni taqdim etamiz.

O'zaro o'yinlar

AGMK va “Qo'qon-1912” klublari shu kunga qadar oliy ligada olti marta to'qnash kelishgan. O'yinlarning bittasida qo'qonliklar g'alaba qozonishgan. To'rtta uchrashuvda olmaliqliklar qo'li baland kelgan. Bitta bahsda g'olib nomi aniqlanmagan.

To'plar nisbati 9-6 AGMK foydasiga. O'zaro uchrashuvlarda qo'qonliklar to'rt ochkoni qo'lga kiritgan. AGMK hisobida esa 13 ochko mavjud.

Barcha uchrashuvlar:
18.04. 2015 – AGMK – Qo'qon-1912 – 2:1
26.08. 2015 – Qo'qon -1912 – AGMK – 0:1
30.06.2016 – AGMK – Qo'qon-1912 – 3:2
22.11.2016 – Qo'qon-1912 – AGMK – 2:1
25.05.2017 – AGMK – Qo'qon-1912 – 0:0
25.11.2017 – Qo'qon-1912 – AGMK – 1:2

Yubiley uchrashuvlar

Mazkur jamoalarning o'yini ko'p bor yubiley uchrashuvga to'g'ri kelgan. Xususan, 2015 yilda Qo'qondan o'tkazilgan bahs "Qo'qon-1912"ning chempionatdagi 300-uchrashuvi sifatida taxirda qolgan bo'lsa, 2016 yilgi bellashuvlar "Qo'qon-1912"ning 325 va 340-uchrashuviga to'g'ri kelgan. Bu jamoalarning o'tgan yilgi bahslari ham yubileyga to'g'ri kelgan. Olmaliqdagi o'yin "Qo'qon-1912"ning chempionatdagi 355-uchrashuvi, Qo'qondagi bellashuv esa 370-uchrashuv sifatida qayd etilgan.

Yana bir malumot. Mazkur jamoalarning birinchi davradagi barcha uchrashuvi Olmaliqda o'tkazilgan.

Hakamlar

12 aprel kuni Olmaliq shahrida bo'lib o'tadigan o'yinni Sherzod Qosimov boshchiligidagi hakamlar brigadasi boshqarib boradi.

Superliga
6-tur
12 aprel (payshanba)
AGMK – “Qo'qon-1912”
Hakamlar: SH.Qosimov (Toshkent), A.Usmonov (Toshkent), A.Kalinin (Qarshi), A. Najafaliev (Toshkent).
Nazoratchi – A. Abdullaev (Toshkent).
Komissar – R.Chernikov.

Boshlanish vaqtlari

Payshanba kuni bo'lib o'tadigan o'yin soat 18:00da boshlandi.

AGMK – “Qo'qon-1912” prevyu