Bu haqda klub matbuot xizmati malum qildi.

Quyida AGMK jamoasining o'yinoldi rasmiy mashg'ulotidan fotolavhalarni tomosha qiling.

Ertaga Superliga doirasidagi 2-tur o'yinida o'zaro to'qnash keladigan "So'g'diyona" va AGMK jamoalarining qarama-qarshilikdagi 23-uchrashuvga aylanadi.

O'tkazilgan 22 o'yinda tarozi pallasi birozgina "So'g'diyona" foydasida. Jizzax jamoasi 9 g'alabaga ega bo'lsa, AGMK 8 marotaba yutuqqa erishgan. Qolgan 5 bellashuvda tomonlar durangga imzo chekishgan. Birgina g'alaba AGMKga mazkur to'qnashuvdagi muvozanatni tiklashga yordam bersa, "So'g'diyona" uchun ustunlikni mustahkamlaydi. O'zaro o'yinlarda g'alabalar soni bo'yicha "So'g'diyona" ustun bo'lsada, kiritilgan gollar borasida jizzaxliklar maqtana olishmaydi. To'plar nisbati: 35-31, AGMK foydasiga.

Qayd etish kerakki, mazkur jamoalarning o'rinbosarlar jamoalari o'rtasidagi bellashuvda mezbonlar vakillari yirik hisobda (3:0) g'alaba qozonishdi. Shuningdek, U18 Respublika Birinchiligi doirasidagi bahsda Jizzax va Olmaliq jamoalari tengqurlari o'zaro durang (2:2) natijasiga rozi bo'lishdi.

U-18 Birinchiligi, 2-tur.
5 mart, payshanba.
"So'g'diyona" (U18) - AGMK (U18) 2:2
Hakamlar: Muzaffar Fayzullaev, Shohruh Qayumov, Xayrulla Normatov, Behruz Berdibekov.
Gollar: Javohir Mirzaulbekov, Jamoliddin Ismatullaev - Husan Mirusubov, Mirjalol Mirg'aniev

Yoshlar Birinchiligi, 2-tur.
6 mart, juma.
“So'g'diyona” (U21) - AGMK (U21) 3:0
Jizzah, “So'g'diyona” qarorgohidagi maydon.
Bosh hakam: Doston Rahmonov.
Gollar: Sahob Rashidov (31, 36), Daniel Nasriddinov (61)

AGMK klubi matbuot xizmati bergan xabarga ko'ra, jamoaning mazkur o'yindagi qaydnomasi quyidagicha ko'rinish olgan:

Darvozabonlar:
12.Roman Abdulov
32.Suhrob Sultonov
Himoyachilar:
2.Akmal Shorahmedov
3.Sardor Rahmonov
20.Mirg'iyos Sulaymonov
31.Saydullo Rahmatov
44.Bobur Yo'ldoshev
88.Igor Zonich
Yarim himoyachilar:
4.Mirjamol Qosimov
5.Dilshod Jo'raev
6.Erkin Baydullaev
8.Xojimat Erkinov
11.Murod Toshmatov
17.Sanjar Tursunov
18.Bahrom Abdurahimov
23.Yovan Jokich
77.Arslonmirat Amanov
Hujumchilar:
9.Zafar Polvonov
10.Shahzod Nurmatov
21.Mate Vatsadze

AGMKning "So'g'diyona" bilan bo'ladigan bahs uchun elon qilgan qaydnomasida Elguja Grigalashvili yo'q. Malum bo'lishicha, gruziyalik futbolchi shamollab qolgani bois ertangi "So'g'diyona" bilan bo'ladigan bellashuvni o'tkazib yuboradi.

Fakt: AGMK Jizzaxda o'tkazilgan 11 o'yindan atigi bittasida, 2018 yilgi mavsumdagi o'yinda g'alaba qozongan xolos. Qolgan 10 uchrashuvning 7tasida "So'g'diyona" g'alaba qozongan va 3 bahsda durang qayd etilgan.

AGMK matbuot xizmati tomonidan jamoa muxlislari uchun tayyorlangan Mart oyi taqvimi quyidagicha ko'rinish olgan

AGMK "So'g'diyona"ga qarshi o'yinga jiddiy tayyorgarlik ko'rmoqda