2008 yildan elitada ishtirok eta boshlagan AGMK andijonliklarga qarshi 16 marta maydonga tushgan. Umumiy statistika bo'yicha 18 o'yindan 9tasida AGMK g'alaba qozongan, 3 o'yinda durang qayd etilgan va yana 4 o'yinda "Andijon" g'alabaga erishgan. To'plar nisbati - 28:19.

AGMK o'z maydonida o'tkazgan 8 o'yindan 6tasida g'alaba qozongan va 2 bahs 0:0 hisobida yakun topgan. To'plar nisbati - 16:8.

Andijonda o'tgan o'yinlarda esa AGMK 3 marta g'alaba qozongan, 1 o'yinda 1:1 qayd etilgan va 4 uchrashuvda mezbonlar zafar quchishgan. To'plar nisbati - 12:11 AGMK foydasiga.
O'zaro o'yinlar statistikasida AGMK so'nggi 8 o'yinda andijonliklarga mag'lub bo'lmagan. Vodiy jamoasi oxirgi marta 2011 yil 5 avgustda 1:0 hisobida g'alaba qozongan.

Har ikki jamoa tarkibida maydonga tushgan futbolchilar borasida so'z yuritadigan bo'lsak, AGMK tarkibida bugun maydonga tushishi mumkin bo'lgan Akmal Shorahmedov va Dilshod Jo'raev futbolchilik faoliyati davomida "Andijon" sharafini ham himoya etgan.

"Andijon"ning bu mavsumdagi tarkibidan Akmal Ortiqov, Oybek Qilichev, Ro'zimboy Ahmedov, Dilshod Rahmatullaev va Doniyor Ismoilovlar turli yillarda AGMK sharafini himoya qilgan.

Mavsum avvalida safar uchrashuvlarida mag'lubiyatlar seriyasi jamoa tarixida 2008 hamda 2016 yillarda uzoq davom etganligini yuqorida keltirdik. Jamoaning eng uzun mag'lubiyat seriyasi 2016 yilda 6 o'yindan iborat bo'lgan. 2008 yilda xuddi 2019dagi kabi 5 o'yinda AGMK hatto durangga ham erishmagan. Mana shu noxush seriyaning avvalgi har ikki mavsumda to'xtatilishi Andijonda ro'y bergan ekan. 2008 yil ketma-ket 5 mag'lubiyatdan so'ng, "O'zDongJu" bilan 0:0 hisobida durang qayd etilgan. 2016 yilda esa 6 mag'lubiyatdan so'ng safarda "Andijon" 2:0 hisobida mag'lubiyatga uchratilgan. Taqdirni qarangki, bu gal ham AGMK ketma-ket 5 mag'lubiyatdan so'ng, navbatdagi safar o'yinini Andijonda o'tkazadi.

AGMKning safardagi omadsizligi yana Andijonda tugaydimi?