- Uchrashuvda to'liq ustunlik biz tomonda bo'ldi. Ammo "Zob Ahan" yaxshi qarshilik ko'rsatdi. Yuzaga keltirilgan vaziyatlardan foydalanashimiz lozim edi. Xudo xohlasa Eronda bo'ladigan javob bahsida g'alaba qozonamiz degan umiddamiz. To'g'ri, jamoamiz OCHL guruh bosqichi doirasidagi uy uchrashuvlarida anchadan buyon g'alaba qozona olmayapti. Bu narsa futbolchilarning ruhiyati bilan bog'liq emas. Bu tomonlama tayyorgarligimiz yaxshi darajada. Mashg'ulotlarda barcha ko'tarinki ruh bilan shug'ullanadi. O'ylashimcha, jamoamizga ozgina omad etishmayapti. Hali oldinda yana uchta tur bor. Shunday oxiriga kurashni davom ettiramiz va buning uchun bor kuchimizni sarflaymiz. Zaxirada qolib ketayotganimga keladigan bo'lsak, bu murabbiylarning tanlovi. Ular Murod aka Zuhurovga ishonch bildirishmoqda. Lekin mashg'ulotlarda men ham o'zimni ko'rsatish uchun mehnat qilyapman. Har doim o'yinga tushishga tayyorman. Bu borada muammo yo'q. Bizlarda ayni paytda asosiy tarkib yoki zaxira futbolchisi degan tushuncha yo'q. Hamma bir jamoa bo'lib birlashgan va barcha bir xil darajada mehnat qilmoqda. To'g'ri, o'yin amaliyoti kerak. Birinchi davradan so'ng nima bo'lishini vaqt ko'rsatadi. Bu borada bir narsa deya olmayman. Hamma narsa bo'lishi mumkin.

Akbar To'raev: "Birinchi davradan so'ng jamoada qolish yoki qolmasligim haqida bir narsa deya olmayman"