- "Nasaf" mavsumni biroz omadsiz boshladi. Bu haqida nima deb o'ylaysan?

- Mavsumni yomon boshladik deb hisoblamayman. Hozirda birinchi o'rindan atigi uch ochko farqimiz bor. Xatolar ustida ishlaymiz, qattiq mehnat qilamiz va shunday davom etamiz.

- Seningcha, jamoa mavsum so'nggida qaerda bo'ladi?

- Ushbu mavsum chempionlik uchun kurashishga kuchimiz etadi deb hisoblayman.

- Mavsumning dastlabki turlarida "Nasaf"da gollarni asosan mudofaa chizig'i o'yinchilari urmoqda. Nima deb o'ylaysan, bu nima bilan bog'liq?

- Kim urishining farqi yo'q - asosiysi jamoaning g'alaba qozonishi. Barchamiz g'alaba qozonish uchun maydonga chiqamiz.

- Norchaev va Saitovning ketishi jamoa o'yiniga tasir o'tkazdimi?

- Unchalik kuchli tasir qildi deb hisoblamayman. Ularning o'rniga sifatli o'yinchilar keldi. Ular ketgan futbolchilardan yomon ko'rinishmaydi deb o'ylayman.

- "Alaniya"ga o'tganidan so'ng Norchaev bilan gaplashasizmi?

- Ha, biz aloqani saqlab turibmiz.

- U Rossiyadagi futbol haqida nima deydi?

- Unga u er yoqadi. U erda asosan jismoniy holatga etibor qaratilishini, futbol esa ko'proq to'qnashuvlarga boy bo'lishini aytdi.

- Sen "Nasaf" akademiyasi tarbiyalanuvchisi hisoblanasan va klubning asosiy tarkibida o'ynaysan. Qachondir boshqa jamoaga ketish varianti amalga oshadi deb o'ylaysanmi?

- Ha, buni inkor etmayman. Bu futbolning bir qismi. Barcha chet elda o'ynashni, futbol bo'yicha rivojlanishni xohlaydi.

- Agar sir bo'lmasa, qaysi ligada o'ynashni xohlarding? Yoki Superliganing qaysidir klubidami?

- O'zbekistonda o'zimni "Nasaf"dan boshqa hech qaerda ko'rmayman. Xorijdagi faoliyatning boshlanishi uchun esa Rossiya chempionatini ko'rib chiqish mumkin. Bu sal keyinroq yuqoriroq saviyadagi Evropa mamlakatlariga yo'l olish uchun o'tish vazifasini bajaradi.

- O'tgan mavsum 22-raqam ostida o'ynading, ushbu mavsumda esa "ettilik"da ko'rdik. Raqam almashtirishing sababi nima?

- Shunchaki raqam bo'shadi va uni o'zimga olishga qaror qildim. Shuningdek, unda mening kumirim Krishtianu Ronaldu o'ynaydi. Bolalikdan uning o'yini yoqadi, shu sabab "ettilik"da o'zgacha ramziylikni ko'raman.

- O'zbekiston terma jamoasining mart oyidagi o'yinlariga seni chaqirishmadi. Nima deb o'ylaysan, bu nima bilan bog'liq?

- To'g'irlashim kerak bo'lgan kamchiliklarim bor shekilli.

- Katanec bu borada sen bilan gaplashmadimi?

- Yo'q, u bilan gaplashmadim. Faqatgina yig'inlar paytida qanday o'ynash va kim maydonda qanday harakatlanishini tushuntirishadi.

- Terma jamoa tarkibiga qaytishni rejalashtiryapsanmi?

- Albatta, o'z oldimga shunday maqsad qo'yaman. Terma jamoaga yana chaqiruv olish uchun ishlashda va o'z o'yinimni kuchaytirishda davom etaman.

Emil Bermuhamedov suhbatlashdi

Alisher Ostonov tarjimasi

Akmal Mozgovoy: "Norchaev va Saitovning ketishi "Nasaf"ga tasir qildi deb hisoblamayman. Ushbu mavsum chempionlik uchun kurashishga kuchimiz etadi"