- Rossiya bilan o'yindan nimalarni kutyapsiz?

- Rossiya yaxshi va tajriba orttirish uchun qulay raqib. Ertangi bahs qiyin o'tadi deb o'ylayman. Ammo murabbiyimiz ko'rsatmalariga amal qilib, ijobiy natijaga erishamiz va muxlislarni xursand qilamiz degan umiddaman.

- Srechko Katanec nazariy mashg'ulotlarda ko'proq Rossiyaning qaysi jihatlariga etibor qaratishni so'rayapti?

- U kishi raqib ko'p paslashmaligi, raqibni ortda qoldirishga etibor berishi va zarba yo'llashga tayanib o'ynashini aytdi. O'shanga qarab harakat qilamiz.

- Tojikiston-Rossiya o'yinida 0:0 qayd etilgani sizlarni hayron qoldirdimi?

- Yo'q. Rossiyaning ayrim o'yinchilari bahsda qatnashmadi. Maydon ham suniy edi.

- Superliga yakunlari haqida fikringiz qanaqa? Ham ijobiy, ham salbiy bo'lsa kerak-a?

- Ha, aytganingizdek, ham ijobiy, ham salbiy. Kubokni yutganimizdan xursandmiz. Sal omadimiz kelmadi, harakat qilgandik.

- Menimcha, "Neftchi" bilan uchrashuvni ko'p eslab yursangiz kerak...

- Ha. Unutishga harakat qildik, lekin qiyin. Hammasi o'z qo'limizda edi.

- Keyingi mavum ham "Nasaf"da qolib, bu yil amalga oshmagan rejani yakuniga etkazib qo'yasizmi?

- Xudo xohlasa, "Nasaf"da qolib, chempionlik uchun kurashamiz.

Akmal Mozgovoy: "Rossiya – tajriba orttirish uchun qulay raqib"