Гарчи Турсунбоевнинг йирик мағлубиятдан кейин кайфияти тушкун бўлишига қарамай, ўзини профессионалларча тутиб, мухлислар учун ўз фикрларини билдириб ўтди. Бунинг учун Акмалга қойил қолдик.

- Тўғриси, бундай йирик ҳисобдаги мағлубиятдан кейин аниқ бир нарса дейиш қийин. Бундай бўлишини ҳеч ким кутмаганди. Бухорога имкон қадар ютқазмаслик мақсадида келгандик. Рақиб жамоа таркибида тажрибали футболчилар кўп. Уларда ўйин савияси ҳам яхши даражада эканлигини айтган бўлардим.

- Бизда ҳам бир қатор голли вазиятлар бўлди. Аммо улардан оқилона фойдалана олмадик. Ўйиндан олдин жамоадошларимга айтгандим, менга жуда кўп иш бўлишини.

- Ўтказиб юборилган голларга келадиган бўлсак. Менимча ҳаммасини қайтариш мумкин эди. Биласизми ҳар доим ўтказиб юборилган голларда дарвозабонлар барибир айбдор бўлади. Шу боис мен ҳам қайсидир маънода «Бухоро» билан ўйиндаги голларда ўзимни айбдор ҳис қиламан. Ҳимоячилар ҳақида гапириш нотўғри. Улар ҳам имкон қадар харакат қилди. Мағлубиятга бутун жамоа айбдор деган бўлардим, - дейди Турсунбоев.

«Андижон» матбуот хизмати.

Акмал Турсунбоев: «Ўтказиб юборилган голларда доим дарвозабоннинг ҳам айби бўлади»