Ushbu uchrashuv oldidan "Bunyodkor" klubi futbolchisi Akrom Komilov o'z fikrlarini bildirib o'tdi.

"Neftchi"ga qarshi uchrashuvdan so'ng "Dinamo"ga qarshi bahsga tayyorgarlikni boshlab yubordik. Samarqandliklarga qarshi tayyorgarlik alo darajada olib borildi. Mashg'ulotlarda xatolarimiz ustida ish olib bordik. Murabbiylarimiz kerakli ko'rsatmalarni berishdi. Bizga birgina Rustam Ashurmatov bugungi o'yinda yordam bera olmasligi mumkin. Chunki Ashurmatov endigina mashg'ulotlarga qo'shildi. "Dinamo" yaxshi shakllangan jamoa. Samarqandliklar davralar oralig'ida bir qator futbolchilarni o'z tarkibiga qo'shib oldi. "Dinamo" futbolchilari standart vaziyatlardan yaxshi foydalanadi. Lekin bizni hech narsa qiziqtirmaydi. Bugun faqat g'alaba uchun maydonga chiqamiz", - deydi Akrom Komilov.

Jahongir Sotvoldiev yozib oldi

Akrom Komilov: "Faqat g'alaba uchun maydonga chiqamiz"