- Akrom, bugungi o'yin qanday o'tdi?

- O'yin haqida keladigan bo'lsak, oldin ham KXDR ga qarshi uchrashuvlar og'ir o'tgan. Bugungi o'yinda oldingiga qaraganda yaxshiroq o'ynadik deb o'ylayman. Shunindek, Kuper tomonidan qo'shimcha vazifalar berilgan edi va biz ularni yaxshi bajardik. Shu sababdan, bugun haqli g'alaba qozondik deb o'ylayman.

- Maydon chimi yangilandi. Yangi chimning sifati haqida nima deya olasiz?

- Maydon chimi yaxshi, lekin sal yumshoqroq ekan. Maydonning chimi yangiligi va chimning tagi qotmaganligi sababli ko'chishlar bo'ldi. Ozgina qiynaldik, ammo 1-2 oylardan so'ng yaxshi bo'lib ketadi deb o'ylayman.

Eslatib o'tamiz, Akrom Komilov KXDR (4:0)ga qarshi o'yinni asosiy tarkibda boshlab, uchrashuvda to'liq harakat qildi.

Alisher Ostonov yozib oldi.

Akrom Komilov: "Maydon sifati? Ozgina qiynaldik"