Олдинроқ "Ливерпуль"нинг собиқ футболчиси "Ал Аҳли"дан кетишни истаётгани борасида маълумотлар тарқаганди. Унинг хизматларига "Фулхэм" томонидан қизиқишлар бўлаётганди.

"Evening Standard" нашри хабарига кўра, "Ал Аҳли" бразилияликни январь ойида ижарага бериб юборишга тайёр турибди. Бироқ бунинг учун янги жамоаси унинг ҳафталик 378 минг евро маошини тўлашга рози бўлиши керак.

Шу сабабли Фирминога фақатгина Англия ёки Туркия клублари даъвогарлик қилиши мумкин.

Эслатиб ўтамиз, Фирмино 8 мавсумлик фаолиятидан кейин "Ливерпуль"ни эркин агент сифатида тарк этиб, Саудия Арабистони томон йўл олди. "Ал Аҳли" таркибида у 17 учрашувда 3та гол урди (илк учрашувдаёқ хет-трик).

"Ал Аҳли" Фирминони ижарага бериб юборишга тайёр, фақат бунинг бир шарти бор