Shu tariqa, Osiyo grandi barcha musobaqalarda ketma-ket g'alabali seriya bo'yich jahon rekordini yangilagani haqida xabar bergan edik.

“Al Hilol” jahon rekordini yangiladi

Xo'sh, riyodliklar bu yo'lda qaysi jamoalarning rekordlarini "urib" chiqishdi? Bu ro'yxatda Top klublar etarlicha.

Barcha musobaqalarda ketma-ket g'alabali seriya qayd etgan jamoalar:

1. "Al Hilol" (Saudiya Arabistoni), 2024 yil - 28ta g'alaba;

2. "Nyu Seints" (Uels), 2016 yil - 27ta g'alaba;

3. "Ayaks" (Niderlandiya), 1995 yil - 25ta g'alaba;

4. "Shaxtyor" (Ukraina), 2012 yil - 25ta g'alaba;

5. "Koritiba" (Braziliya), 2011 yil - 24ta g'alaba;

6. "Crvena Zvezda" (Serbiya), 2000 yil - 23ta g'alaba;

7. "Bavariya" (Germaniya), 2020 yil - 23ta g'alaba;

8. "Real Madrid" (Ispaniya), 2014 yil - 22ta g'alaba;

9. "Manchester Siti" (Angliya), 2021 yil - 21ta g'alaba;

10. "Fenerbahche" (Turkiya), 2023 yil - 21ta g'alaba.

"Al Hilol" jamoasi 2023 yilning sentyabr oyidan beri shu kungacha qaysi musobaqa doirasida rasmiy o'yin o'tkazsa hammasini o'z foydasiga hal qilib kelmoqda. Jorje Jezus shogirdlari mag'lub eta olmagan oxirgi ikki jamoadan biri o'zimizning "Navbahor" hisoblanadi. 2023 yilning 18 sentyabr kuni "Hilol" OCHL doirasida o'z maydonida Babayan boshchiligidagi "Navbahor" bilan qiyinchilik bilan 1:1 hisobida durang o'ynagan edi. Keyin oradan 3 kun o'tib Saudiya chempionati doirasida "Damak" bilan ham 1:1 hisobida murosa ko'chasini tanlagan "Al Hilol" o'shandan beri yo'lidan chiqqanini er tishlatib kelmoqda.

"Navbahor"ni yuta olmagan "Al Hilol" jahon rekordini yangilash uchun "Ayaks", "Bavariya", "Real", "Manchester Siti"lardan o'tib ketdi