Manbaning xabariga ko'ra, Saudiya klubi argentinalikni dunyodagi eng ko'p maosh oluvchi futbolchiga aylantirmoqchi. Agar transfer amalga oshsa, Messi yiliga 200 million funt sterlingdan ko'proq maosh oladi.

Messining PSJ bilan shartnomasi joriy mavsum oxirigacha amal qiladi. Tomonlar uni uzaytirish bo'yicha muzokaralar olib bormoqda.

Hujumchi Evropada qolishga qaror qilgan taqdirda ham, saudiyaliklar o'z maqsadidan butkul voz kechishdan ko'ra Leo bilan shartnoma imzolash muddatini kechiktirishni afzal ko'rishadi.

Qayd etilishicha, Saudiya Arabistoni futbol mutasaddilari ligaga mutlaqo istalgan futbolchini jalb qila olish mumkin deb hisoblashmoqda. Shu jumladan, saudiyaliklar kelasi mavsumlarda “Manchester Siti” yarim himoyachisi Kevin de Bryuyne va “Liverpul” hujumchisi Muhammad Salohni sotib olishni maqsad qilgan.

"Al Hilol" Messini dunyoning eng ko'p maosh oluvchi futbolchisiga aylantirmoqchi