Манбанинг хабарига кўра, Саудия клуби аргентиналикни дунёдаги энг кўп маош олувчи футболчига айлантирмоқчи. Агар трансфер амалга ошса, Месси йилига 200 миллион фунт стерлингдан кўпроқ маош олади.

Мессининг ПСЖ билан шартномаси жорий мавсум охиригача амал қилади. Томонлар уни узайтириш бўйича музокаралар олиб бормоқда.

Ҳужумчи Европада қолишга қарор қилган тақдирда ҳам, саудияликлар ўз мақсадидан буткул воз кечишдан кўра Лео билан шартнома имзолаш муддатини кечиктиришни афзал кўришади.

Қайд этилишича, Саудия Арабистони футбол мутасаддилари лигага мутлақо исталган футболчини жалб қила олиш мумкин деб ҳисоблашмоқда. Шу жумладан, саудияликлар келаси мавсумларда “Манчестер Сити” ярим ҳимоячиси Кевин де Брюйне ва “Ливерпуль” ҳужумчиси Муҳаммад Салоҳни сотиб олишни мақсад қилган.

"Ал Ҳилол" Мессини дунёнинг энг кўп маош олувчи футболчисига айлантирмоқчи