"Qaldirg'ochlar" Qatar klubi bilan o'yining asosiy va qo'shimcha vaqtlarida durang o'ynashdi hamda penaltilar seriyasida g'olib bo'lib guruh bosqichiga yo'llanma olishdi.

Biz kechagi o'yinning statistik ko'rsatkchilarini muxlislarimizga taqdim etishga qaror qildik.

Dastlab umumiy statistikaga keyin "Bunyodkor" futbolchilarining statistikasiga to'xtalib o'tamiz.

Etiborlisi "Bunyodkor" o'yinda to'p nazorat qilishda mezbonlardan biroz ustunlikka ega bo'ldi. Jamoamiz futbolchilari o'yindan tashqari holatga tushib qolishda ancha "faol" bo'lishdi - 6:2. Pas oshirish borasida ikkala jamoa deyarli teng ko'rsatkich qayd etdi. Sergey Lushan shogirdlari qariyb 100 marta uzun paslarni ijro etishdi.

Zarba yo'llash borasida "Al Jayish" katta ustunlikka ega bo'ldi - 17:6. Lekin aniq zarbalar soni teng - 2:2. "Bunyodkor" futbolchilari 4 marta jarima maydoni tashqarisidan, 2 marta jarima maydoni ichidan zarba berishdi. Qoida buzishda ham tomonlar deyarli teng natija qayd etishdi.

Al Jayish	Ko'rsatkich	Bunyodkor
0	Gol	0
49,9 %	To'pni nazorat qilish	50,1 %
9	To'p olib qo'yish	15
2	Offsayd	6
8	Burchak to'pi	8
619	Paslar	624
81	Uzun paslar	99
82,4 %	Paslar aniqligi	83,8 %
71,8 %	Raqib maydonida paslar aniqligi	71,7 %
30	Krosslar	29
13,3 %	Krosslar aniqligi	20,7 %
17	Zarba	6
2	Aniq zarba	2
6	Bloklangan zarba	0
12	Jarima maydoni tashqarisidan zarba	4
5	Jarima maydoni ichidan zarba	2
11,8 %	Zarbalar aniqligi	33,3 %
22	To'p uchun kurashlar	36
59,1 %	Kurashdagi g'oliblik foizi	55,6 %
17	Qoida buzish	19
0	Sariq kartochka	0
0	Qizil kartochka	0

Endi "Bunyodkor" futbolchilarining o'yindagi ko'rsatkichlariga to'xtalamiz. "Qaldirg'ochlar" safida Akromjon Komilov va Otabek Shukurov 2 martadan zarba berishdi. Komilovning bitta zarbasi aniq chiqdi, yana bir aniq zarba egasi Dostonbek Hamdamov bo'ldi. Shomurodov va Shukurov ikki martadan jamoadoshlari uchun vaziyat yaratishdi.

To'pga tegish borasida Otabek Shukurovga teng keladigani topilmadi - 114 marta. Undan keyingi o'rinda Komilov (90ta), Ibrohimov (89ta) qayd etilishdi.

Otabek pas berish borasida ham sheriklaridan ustun bo'ldi - 89 marta. Jamoasidagi boshqa hech bir futbolchi 80 marta ham pas oshirmagan.

Paslarning aniqligi borasida Alisher Sanoev va Javlon Ibrohimov ajoyib natija ko'rsatishgan. Tayanch yarim himoyachilarining bahs davomidagi to'p uzatishlarining 96 foizi aniq chiqqan.

O'ng qanot himoyachisi Dilshod Ahmadaliev jamoa safida eng ko'p kurashga kirishgan futbolchi bo'ldi - 7 marta. Aynan Ahmadalievga nisbatan raqib futbolchilari eng ko'p qoida buzishdi - 4 marta. "Bunyodkor" safida eng ko'p qoida buzgan o'yinchilar Akromjon Komilov va Dostonbek Hamdamov bo'lishdi - 4 martadan.

"Bunyodkor" futbolchilarining "Al Jayish" bilan o'yindagi statistik ko'rsatkchilari:

O'yinning eng yaxshi futbolchisi deb topilgan Murodjon Zuhurov o'yin davomida 3ta seyv qilishga erishdi. Penaltilar seriyasidagi seyvlar bunga qo'shilmagan.

	1*	2	3	4	5	6	7	8	9	10
Akromjon Komilov	120	2	1	0	90	44	84,1 %	4	1	4
Rustamjon Ashurmatov	120	0	0	0	83	65	92,3 %	1	0	2
Dushan Michich	120	0	0	0	88	77	81,8 %	4	0	0
Dilshod Ahmadaliev	120	0	0	0	83	44	81,8%	7	4	0
Eldor Shomurodov	120	0	0	2	64	37	78,4%	2	1	1
Otabek Shukurov	120	2	0	2	114	89	87,6%	3	1	3
Javlon Ibrohimov	120	0	0	0	89	75	96 %	1	0	0
Nurillo To'xtasinov	69	1	0	0	65	38	68,4%	5	3	1
Dostonbek Hamdamov	120	1	1	0	86	58	74,1%	6	2	4
Shahzodbek Nurmatov	65	0	0	0	25	18	83,3 %	1	1	1
Javohir Esonqulov	55	0	0	0	20	9	66,7%	0	2	3
Alisher Sanoev	41	0	0	0	39	31	96,8 %	2	1	0

* - Izoh: 1 – daqiqa, 2 – zarba, 3 – aniq zarba, 4 – vaziyat yaratish, 5 – to'pga tegish, 6 – pas berish, 7 – aniq pas, 8 – to'p uchun kurash, 9 – unga nisbatan qoida buzilgan, 10 – u qoida buzgan.

Oldinroq "Al Fateh" - "Nasaf" uchrashuvining statistik tahlili ham saytda elon qilingan edi.

OFK malumotlari asosida Narzulla Saydullaev tayyorladi

"Al Jayish" - "Bunyodkor". Raqamlar aldamaydi