Мураббий "Насаф" клубига юқори баҳо берди. Шу билан бирга улар ҳам ғалаба учун астойдил курашашларини билдирди.

"Бу жуда ва жуда муҳим ўйин. "Насаф" катта жамоа. Аммо биз ғалаба қозониб, ўзимизга керакли натижа қайд этишга ҳаракат қиламиз. Барча футболчиларимиз ушбу ўйинда ғалаба қозониб, мусобақа гуруҳ босқичини яхши кайфиятда тугатишни исташмоқда."Насаф"га қарши ўйин яхши кечишига ишонамиз. Ўтган ўйинни барча кўрди. Биз гуруҳ пешқадами билан сўнгги дақиқада дуранг қайд этишга эришдик. Ғалаба қозонишга астойдик ҳаракат қиламиз. Ғалаба қозониб кейинги босқичга чиқишга умид бор. Ҳар бир ўйинда жисмоний ҳолатимиз ва ўйинимиз очилиб бормоқда. Иордания чемпионати ҳали бошлангани йўқ. ОЧЛ мусобақаси бизга тайёргарлик вазифасини бажариб беради. Жисмоний ҳолатимиз мусобақа бошланганидан бери анча яхшиланди. "Ал Файсали"га қарши ўйинда сўнгги дақиқаларда дуранг қайд этиб, умидни сақлаб қолдик", -дейди Рард Ассаф.

Эслатиб ўтамиз, жуда муҳим аҳамият касб этадиган "Ал Виҳдат" - "Насаф" учрашуви 27 апрель куни соат 22:15 да старт олади.

"Ал Виҳдат" бош мураббийи: "Насаф" катта жамоа"